شخباركم الغاليات وشخبار رمضان وياكم …..يارب انتوا وأهاليكم بخير وبصحة تامة
يا خواتي أنا دوم أنظلم وخاصة بالدوام…أنا والله مايخصني بحد …والحمد لله عارفة ربي وخايفته ….وما أرمس عن حد ولا يخصني بحد ….المهم عندي زوجي وعيالي
من فترة كانت عندي صديقة بالدوام …كانت ربيعتي وماشفت منها الا كل خير….فجأة تغيرت علي وماقامت تسلم عليي ….ومرة سمعتني كلام يسم البدن وأنا مارديت عليها أبد بكلمة وحدة …لأني لو رديت عليها بيصير مافي فرق بيني وبينها …وأنا انسانه بنت ناس ومتربية الحمد لله …ومع ذلك أول يوم رمضان رحت لها وسلمت عليها علشان الله يقبل صومي
واليوم…يتني وحدة ثانية معصبة علي وتقول لي اني أنا رامسة عنها؟؟ والله العظيم هذي انسانة طيبة وياي وصديقتي وبعد ما شفت منها الا كل خير …ومع ذلك حد موصل لها رمسة اني انا رمست عنها…
أستغفر الله العظيم ليش صاروا الناس جي؟؟؟
بس يخربون العلاقات بين الربع …ويوصلون كلام غلط؟؟
حرام عليهم
الله سبحانه وتعالى قال( يا أيها الذين أمنوا ‘ن جاءكم فاسق بنبإ فتبينوا أن تصيبوا قوما بجهالة فتصبحوا على ما فعلتم نادمين) صدق الله العظيم
وأنا أحلف بالله الذي لاإله الا هو اني مظلومة
وما قول غير حــــــــــــــــــــــــسبي الله ونعم الوكيل وانتوا الحين صايمين ادعوا ربي ينتقم لي من اللي ظلمني
السلام عليكم
الله بياخذلج حقج منهم حبوبه
ان شاء الله اصحابك يعرفوا الحقيقه وربنا ينصرك على الى ظلمك هى دى الدنيا والناس الحقودة والغيرة الى بدمر كل شى حلو فى حياتنا استغفر الله
ربنا المستعان
اختي انتي الغلطانة تدرين لييش ؟؟؟
يوم يت ربيعتج اول وحدة ترمسج سكتي عنها ولاقلتي ولاكلمة انا ماقوولج سبيها وجي لكن دافعي
عن عمرج بطريقة حلوة ومحترمة وسكووتج ياكد لهم انج انتي راامسة لانج مادافعين عن عمرج
ونفس الشي ربيعتج ثاانية ليش ماقلتي لها انا مارمست عنج وجي بطريقة محترمة وزينة
لو تميتي ساكتة بيأكدوون عليج انج انتي صدق جي ,,
والله يعينج حبووبة
ادعي خاصة اللحين في فترة صياام
تحياتي
لا حول ولا قوة الا بالله
الله يعينج اختي
وايد تحصل فالدوامات يواشون و يحاولون يفرقون العلاقات
وكلي امرج لربج و اصبري مالج غير الدعاء ولا تحاولين تحتكين فيهم فتره لانج سويتي اللي عليج و هم بدوا بالهجوم و انتي ما غلطتي ع حد ابد حبوبه اذا رمسوج بالزين رمسيهم واذا ما رمسوا سكتي عنهم
الله يفرج همج ان شاء الله
الغاليه دام واثقه من عمرج ما عليج منهم اكيد ان كنت مظلومه الله سبحانه وتعالي بيعينج عليهم
اختي في ها الشهر والواحد ما يشغل عمره بها التفاهات ويدخل في خصومات قوليلهم اللهم اني صائمه
واسكتي عنهم والله ييسر امورج الغاليه