حتى الاهل ما منهم أمان

أقول لكم القصة وقلبي يتقطع على خطيبي ،،،

أنا أنسانة مخطوبه لاحد من القرايب ،، خطيبي بعد الخطوبه قرر يسحب سلفه من البنك وسحب ،، 150

الف ،، طبعا ولي خطيبي خاله ،، تخيلوا خطيبي عطي خاله البيزات عسب يحتفظ فيهم طبعا هذا خاله

علمه وكبره وهو ولي أمره قانونيا ،، خطيبي قرر يآخذ البيزات عسب يرتب للعرس ،، اتخيلوا يوم راح

يطالب ،، قال خطيبي الين خاله :- بغيت البيزات خالي

خاله بدأ يتهرب ،، عقب خبرني خطيبي وقال لي ،، قلت حن ع راسه لازم تآخذ الفلوس،، عقب بكل برود

قال له خاله اني صرفت 150 الف تخيلوا يا ناس ،، شخص يصرف هالمبلغ خلال شهر ،، خاله كل

فلوس ولد أخته اليتيم ،، اللي راتبة 8 الف ،،طبعا خطيبي سار له وقال اريد بيزاتي أنا بعرس يقول لا تحاتي

بعطيك ،، ليومكم ما عطاه وصار خطيبي 6 شهور وهو يطالب ،، بالنهاية قام خاله عطاه ارض قال

له بيع الارض وخذ البيزات ،، يوم خطيبي سار يشوف جم بتتطلع قيمة الارض ظهرت أقل عن 70 الف،

لا وخاله امس يقول له ما بعت الارض بغيت بيزات ،، تخيلوا مستغل ولد أخته عسب يبيع الارض ويآخذ

الفلوس ،، خطيبي في حالة صعبة هو مسؤول عن عايلة ،،

تخيلوا خال يآكل بيزات ولد أخته ويتركه ،، ويكون بعلمكم كان خاله يتواصل معاي ومع اهلي وايد ،،

من طارت بيزات خطيبي ترك اهلي ،،

خطيبي يقول لو بعت الارض خالي بيآخذ البيزات ،، وبعدين 50 الف ما تسوي شيء ،، وأنا مآخذ 150

الف ،،

شو الحل الحين ؟ والله قلبي يعورني لدرجة خطيبي يقول انا كيف بعرس ؟ الجدول اللي رتبته كله أخترب

لدرجة هو ظل وحيد محد واقف معاه ..

دعواتكم له انه الله يسر أمره ،، والبيزات تنرد ،، والله لا ليلي ليل ولا نهاري نهار ،، وهو حالته لا تيسر

لا عدو ولا صديق ..

المشاركة الأصلية كتبت بواسطة الدمعة99

خلي يأخذه حقه ويطالب فيه ترى في النهاية هذا حقة وحتى لو انه خاله مايصير ياكل فلوس ولد اخته ولو بغى شي منهم مفروض كان يستأذن مب جي وبعدين كيف يصرفهم خلال شهر مب معقولة الظاهر البيزات موجودة بس الخال شكله مايبى يعطيه البيزات الله يهداه

خطيبي عيبه هذا ،، شي اسمه فلوس ما يحب يآخذ ،، بس تخيلي أختي هالبيزات بيزات عرسنا ،، طارت

المفروض نملج ونعرس وكل شيء راااااااح ،،

والله خطيبي حالته لا تسر ،، وأنا ما اعرف شو اسوي ،، بتخبل