انا الي كتبت لكم هالمشكله
http://uaewomen.net/showthread.php?t=239496
تعرفون شوصار الله يسلمكم هو انقطع عني 10 ايام
حاولت اصلح مابينا ومافي فايده ابوي رمسه وقاله انت خذتها من ناس
ماخذتها من الشارع قال انا ما ابي ارمس بنات وبحاول اصلح الي بينا
المهم طلع من البيت واتصل وانهد فيني هد وتم يحط علي حط وقالي يالوسخه
وقلتله لاترمسني بهالاسلوب قالي جب ولا كلمه..
قلتله اسمعني انا يوم اسكت مب خوفا منك بس احترام لابوك الي وقف معاي الله يرحمه
وانت ماتستاهل ولاتتوقع انه طايح حظي..
المهم عقب يومين اتصلوا المحكمه وقالولي تعالي ريلج رافع عليج دعوى
سرت ويلسنا مع المصلحه الاجتماعيه المهم رمستنا وهو معلق عالكلمه ويقول
ما اياها ما ابي اتزوجها قالتله فيها عيب قال لا قالتله شفت شي عليها قال لا
سالته عيل ليش ماتباها قال بس ابي وحده عمرها 30 سنه
جان تقوله انت خذتها عسبت اطلقها خلال شهر وشوي قال كيفي..
المهم قالتله اول مره ريال يرفع هالدعوى لانه الريال يطلق على طول
قال انا ابي بيزاتي الي عطيتها قالتله الحرمه انت الي ماتباها مب هي الي ماتباك
مالك شي عندها وبتعطيها المؤخر المهم عصب وفاتن جان تقوله الحرمه اسلوبك
شرات ويهك وانت ماتحشم حد انا غريبه ترمسني بهذا الاسلوب عيل هي كيف كنت
ترمسها؟؟
الاصلاح الاسري يتم سنه كامله قلتلها لا سنه ولا شي الريال مايباني خلاص
حولونا عالقاضي وبننهي الموضوع..
عليه سلفيه في البنك مليون درهم وكلها سارت xxxxxxxx…
ويقولي خاطري في ربيعنج وسكت
المهم حولونا عالقاضي وباجر عندي موعد ثاني…
خواتي ادعولي لانه نفسيتي تعبانه وااااااايد
وايد اصلي وايد ادعي ومكسور خاطري لاني ماغلطت حفظته بوجوده وغيابه…
(( اللهم اني لا اسالك رد القضاء ولكن اسالك اللطف فيه))
ابي رايكم بصراحه ومساعدتكم…
على فكره انا دخلت اهلي كلهم تموا يدورونه دواره بس مايرد عليهم..
الله يعينج ويسر أمرج
آمييين
الله يهديه
والله يصلح بينكم
والله يصبرج
عليج بآلدعا ياختي
وربي بيوفق في حياتج
الحمدلله انج بس مالجه مب متزوجتنه
يالله الله شاف حالج
الله يعوضج بالاحسن ان شاءالله
لا تورطين عمرج وياها
المفروض انتي تقولين في المحكمه ما اباه وتردين له كل شئ فضل عنه
ما اعتقد انج في حاية مهر والا مؤخر اهم شئ صحتج ونفسيتج حبيبيتي
الله يعينج ان شا الله,, بس الحمدلله يوم انكشف احينه,,, لو صار زواج وعيال بيكون صعب عليج الطلاق,,, ان شا الله الله بيير لج امورج ويا واحد ثاني زين ونظيف وما عنده خرابيط,, قولو امين يا بنات,
معقوووووووله كل ها يصير فيج
والله قلبي يتقطع عليج الصراحة ما بيحصل وحدة مثلج طيبه وساكته عنه وفوق هذا يسوي جذي ؟؟؟!!
بس بقولج شي ربج فوق وما ينسى عبيده
وانتي انسانه طيبه وخلوقه وحبوبة وهو اللي خسران موانتي والله
وشو موقف اهلج منه وما كلمتي امه واخته