توج مخلصة النفاس…او صارلج مدة…زادت اردافج من حشوات النفاس والحمل…كرشتج لوعت جبدج…
صادتج حالة اكتئاب من هالوزن وكل من بغالج تم يتمصخر
تعالي وشاركيني
عزيزاتي من الأسبوع القادم ولا اللي بعده باسوي موضوع يظم كل واحدة طلعت من النفاس وودها تمشي على نظام غذائي…قلنا نظام مو ريجيم…بحيث تحافظ على تخفيض الوزن الزائد اللي حصلت عليه في فترة الحمل وفي فترة النفاس…
وفي نفس الوقت النظام بيشمل رياضة…فاللي اتشوف ان فيها تمشي على نظام تخسيس ومحافظة على المصادر الاساسية اللي به تقدر اترضع تتفضل هني في هذا الموضوع…
اسم العضوة
وزنها الحالي
الطول
والوزن الهدف
واتخبرنا انها اترضع ولا لأ
ومتى ولدت
اخر شي ممكن اقبله بأنها ربت قبل 6 شهور بعد لا…لأن اذا كانت اترضع بعد 6 شهور الجسم يضعف اسرع من قبل. يعني ما ينفع اتدش ويانا
بعد اسبوع بانسوي فريقين
الفريق الوردي
الفريق الأصفر
وبانتقسم لفريقين بالقرعة
وأهم شي الجدية والجدية والجدية
للعلم الموضوع بايتضمن معلومات من اخصائي تغذية ونساء فاللي اتشوف انها اتروم تتفضل هني
للعلم الموضوع بينزل في قسم علاج السمنة والنحافة
انا بابدأ الأول
اسم العضوة: غموزة
وزنها الحالي: 72.4
الطول 154
والوزن الهدف 65
حاليا ارضع
ولدت قبل 3 اشهر و14 يوم
يسعدني أكون اول من يرد عليج
وانضم وياج لأني ولدت بقيصريه وما رمت انزل وزن الحمل
اسم العضوة: لقاء
الوزن الحالي: 90
الوزن الهدف: 70
حاليا ارضع
ولدت قبل 3 شهور
ماشاء الله عليج .. موضووووعج وآيد حلووو ..
ان شاء الله بعد ماربي بشترك معااكن .. 
..
ياريت اقدر اشارك وياكم بس بعدي ما ولدت *_*
المشاركة الأصلية كتبت بواسطة عشقـ بدويـ 
ان شاء الله بعد ماربي بشترك معااكن .. ..
حياكن عزيزاتي
اختي لقاء مرحبابج في ريجيمنا