تصرفات الزوج وقت الزعل و الغضب

تمت الموافقة
الكلمة الطيبة صـــدقة

كلميه صارحيه

بالتوفيق

شوفي بالمختصر المفيد ومن الاخر
مجرد مايفتح اسطوانته المشروخه اعتبري ان الشخص اللي جدامج واحد مريض نفسيا او مجنون
حاول طول ما هو يتكلم ان كلمي نفسج ان انتي مابتزعلين منه واستغفري او فكري شو بتسوين بعد ما يخلص اسطوانته

طنش تعش تنتعش

مشكلتج حبيبتي انا اعاني منها وانا من النوع الحساس اتم الكلمه تلف فراسي حتى لو تراضينا

لانه هم يعقون الرمسه ولا يدرون بعمارهم ويردون ويسولفون ولا كنه صاير شي ومحد يتعب وياكل هم غيرنا ف ماشي فايده من الزعل والتبوييز الزم ماعليج نفسيتج فديتج خليه هو لي يزعل ويرضا بروحه مره لاتبوزين ع كلام قاله وقت الغيض لانه مايكون يعنييه ولا من خاطره

نفس إيلي مريت فيه .. وحليت الموضوع اني قمت اهتم بأمور ثانيه … مثلا قبل كنت اشرد من دوام عسب بس ايلس ويا ريلي أو الحق اطلع معاه نتغير برع .. كنت ماروح بيت أهلي باسابيع بس عسب اكون معاه …. بس الحين صرت ابات عند أهلى بين فترة وفترة و صرت اطلع وخلص مشاويري و صرت أعطي اهميه كبيره لحياتي و اهتمامي لنفسي … قللت اتصالاتي.والله أن هشي ياب نتيجه لدرجه انه يأني قالي ليش متغيره علي …
نحن مشكلتنا نخلي الريل هو محور حياتنا.. أتذكر في دكتور بالجامعه كان يدرسني الله يذكره بالخير … كان دوم ينبهنا لا تخلون ريايلكم محور حياتكم .. بالعكس خلو عندكم أهداف .. طموحات … مارسوا هواياتكم…اهتموا بنفسكم.. ولا تدققون ع ازواجكم .. عيشوا حياتكم

هههههههه والله ياختي شكيت في نفسي اقول انا مته كتبت بضبط نفس الحال ولا يزيد سانتي الله يعينى