تجهيزات البيبي

السلام عليكم
أنا ما سويت فحص السكر ويدخل الثامن عادي والا لا؟
والاهم أني ما جهزت للبيبي ويتكون بنت ان شاء الله فإذا حد بيساعدني وبدعيله من كل قلبي لا تقولولي شوفي مواضيع التجهيزات كلها جديمه وانا أبا اتشرى لانه ولادتي اخر 11 يعني بيكون الجو بارد
أبا اعرف الأغراض واسم المحلات
لأني ما بقدر اطلع بعد ما اربي وأروح أسواق وخصوصا انه زوجي مابيكون موجود عشان ياخذلي الأغراض اللي ناقصه فاستغل الفرصه هالفتره
وادعولي ربي يسهل ولادتي *

ررررفع

هلا الغاليه الله يسهل لج ولادتج الغاليه اغراض البيبي فديتج اتكون اول شي اللبسات الداخليه الي فيها معاقم من تحت وثانياااا الافرولات الكامله تكون الريل مغطيه لانه الجو بارد وثالثا القمطان او اللفافه قطن وصوفي عشان الشتاااا وخذي له جوارب وطواقي حق الراس هذا بالنسه للبس واما حق السرير اخذي له مخدتين وحدة عاديه وثانيه الي فيها حفره حق الراس واخذي له برنوص عشان يتلحف به وخذي له البرنوص الاسفنج الخفيف وستارة المنز وبالنسبه لتغير الحفاظ اخذي له نفس البلاستيك اتحطينه تحته لما اتغيرين له وخذي له فوطه سباحه وفوط صغيرة عشان لما اتجدعينه اتحطينه عالكتفج وخذي مقص اظافر صغير ومشط ناعم فرشاة الشعر وسلة الاغراض مثل الكريمات وغيرها وخذي شامبو اطفال ولوشن وكريم الحفاظ وغسول الجسم وخذي مراضع صغيرة حق الماي والحليب واليانسون وفرشاة غسيل المراضع ولهايه ومصاصه وجهاز التعقيم حق الرضاعات هذا الي اذكرة الحين وكل ما اذكر شي اكتبه لج الغاليه وكل هذا اتحصلينه في بيبي شوب ومذكير

ربي يوفقك اختي

اممممم جهاز لقياس الحرارة للبيبي أنا ماخذة من ماركة فيليبس ايفنتس بتحصلينا في بيبي شوب عشكل لهاية وفي معاها العادي بعد عسب تقدرين تستخدمينا لما البيبي يكبر
طبعا يبالج كريم البيبي اسما صودوكريم حق الحفاضات بعد متوفر في بيبي شوب
ادوات البيبي من بامبرز وحق السبوح وقطن تنظيف الأذن الخاص للأطفال
افرولااات نيو بورن ومن ٠ الي ٣ ونفس الشي الفوانيل الداخلية حق نيو بورن ومن ٠ الي ٣
وخذي كمن فوطة للبيبي حق السبوح
كبداية ما يبالج مراضع عودة خذي من الصغار بو ١٢٥ مل وعقب الكبار بس احتياط ممكن تأمرين الكبار بعد ويفضل يكونن من زجاج هب بلاستيك
بتحتاجيين طاولة لتبديل وبتلقينها في إيكيا سعرها معقوول وسرير للبيبي وكاميرة مراقبة ضرورية جداً *

الثياب الشتوية بتلقينها في بي اتش إس وفي بعد في بمبكن باتش أنا ماخذة وحلواات