هذا موضوعي الاول في هذا المنتدى الطيب
و ان شاء الله اقدر افيدكم من خلال تجربتي
اول شي علاج الفراكسل هو علاج بالليزر يستخدم لإزالة آثار حب الشباب و الندب او التقليل منها و يعمل على تحفيز الجلد بتكوين الكولاجين من الداخل
قبل العلاج :
ويهي كان متاثر من حب الشباب و فيه ندوب متوسطة يعني مب عميقة وايد بس شكلها كان ملحوظ و مزعج
و بعد ما قريت عن الفراكسل و سمعت انه علاج متطور و حديث في علاج مثل هاي الحالات قررت اني اسويه
بعد العلاج :
رحت لطبيب تجميل و قالي انه بتكون لي 4 جلسات ( جلسة في كل شهر )
و ليزر الفراكسل ما تحصلينه في كل المراكز يعني في مراكز معينة عشان جيه بيكون سعره غالي شوي
بصراحه من الجلسة الاولى حسيت بفرق واضح فقرر اني اكمل ويا العلاج للآخر و بعد الاربع جلسات قلت الندوب و الاآثار بشكل واضح و بشرتي بعدها في تحسن
ملاحظة : الندوب ما اختفت لكنها قلت بشكل كبير جداً لكن بشرتي صارت احسن بوايد و احلى من قبل بكثير و بتحسين بالفرق بعد ما تسوينه
و اي سؤال انا حاضرة ^_^
حرام عليكم مسويلي طافيشن خخخخ الله يسامحكم بس انا حبيت افيدكم و ان شاءالله الموضوع يوصل للي تحتاجه خخخ
مشكووره ختي
بس هو علاج بالليزر يقولون يحرق يوم يسوونه
المشاركة الأصلية كتبت بواسطة شموخ أنثى 
بس هو علاج بالليزر يقولون يحرق يوم يسوونه
هيه اختي بالليزر ويحطون لج مخدر موضعي عشان ما تحسين بالالم لمدة ساعه
بس بعد اتحسين بالليزر خلال الجلسه و بالنسبة لي مب وايد الالم يعني تقدرين تستحملينه مثل الليزر مال الشعر
عندي بيعه فيها وحمة كبيره تغطي نص ويها والرقبه واغمج من لون بشرتها بنص درجه بخبرها يمكن تستفيد منه
مشكوره وايــــــــــــد على المعلومه
المشاركة الأصلية كتبت بواسطة ليماا
مشكوره وايــــــــــــد على المعلومه
الشكر لج على الرد و ان شاء الله يا رب تستفيد
مشكوووووورة الغالية .gif "13 (41)")
ويزاج الله خير على عرض تجربتج مع الفراكسل ^_^
بصراحه موضوع واااااااااااايد واااااااااااايد مفيد ^_^
بس الغالية هل هو يقشر الويه ؟!!
وكم يوم يتم الويه مقشر ؟!
وسويتي حق ويهج مع منطقة العيون ولا بدون العيون ؟! .. لأني سمعت إنه يزيل خطوط التجاعيد البسيطة !!
وكم مدة الجلسة الوحدة ؟!
^
^
خييييييبه تخيب العدو حشى "تحقيق" مب استفسار خخخخ 
سمحيلي أختي حشرتج بالأسئلة 
بس لأني من سمعت عن الفراكسل وانا اشاور عمري واستخير الله وسبحان الله اليوم شفت موضوعج وتشجعت أكثر ^_^