[][][][][] تبين طريقه سهله تفتحين قفل الموبايل [][][][][]

اليوم حبييت اتكلم عن هالمووضع لاني تقريبا واقعه فيه

اكييد اغلبكم ريايلهم قافلين موبايلاتهم وتبووون اتعرفون كلمة السر

وانا ريلي منهم وفوق هذا بلاك بيري يعني اتعرفين شو المود والصوره و و و و

وانا من شهرين تقريبا صار عندي بلاك بيري طبعا زاد الفضول وزادت الشكوك وخاصه يوم يحط قلوب وهالسوالف وانا متاكده انها مو لي لانه نادر ما يصير حديث بينا

فقلت لازم اشوف وابرد فؤادي وقلت بستغل الوقت يوم ينش الصبح ويدخل يسبح

بس اكتشفت انه يقفل ويهده ودايما يسوي هاي الحركه

وكل يوم على هالحال في شكوك وفي قلق

ومره وصلني كلام جميل …………… وغير من شكوكي

عافته نفسي لو ينسى ما افكر افتحه …………… الحمدالله على هالنعمة

تقدرين اتقولين اول ٣ سنين كانت اغلبها مشاكل وكلها من هالسالفه كنت افتح موبايله واقرا المسجات

في بنات بس كانو زميلاته في الشغل صح المسجات ما كانت مسجات حب

بس بعد اتغارين وتنقهرين واتقولين شو تبا من ريلي

لكن شو الفايده هذا طبعه وما قدرت اغير شي بالعكس كل شي ينقلب ضدي

ابتعد عني حياته خاصه ما يرمس وياي يوم اعرف السبب قال انتي تفهميني غلط

في النهايه قلت لازم انا اتغير واعيش الواقع انا حاليا اثق فيه لانه هو يعرف حدوده ريلي مب لعاب والحمدلله بس

يكلم زميلات العمل هم وراه وراه

وحاليا الحمدلله مافي مشاكل بينا والسبب الثقه