بنك دبي الاسلامي

السلام عليكم
اليوم اشوف خاصمين 25 درهم
يعني هالخصم بيكون شهري ؟ وليش؟
اللي عندها فكرة تخبرني شو السالفه

سألت اخوي يشتغل في بنك دبي الاسلامي
اذا كان حسابج جاري ..وما ينزل عليه راتب محول شهريا او مش مربوط بوديعة او مب عليج مرابحة
وكان رصيدج خلال الشهر نزل عن 5000 ينخصم 25درهم شهريا رسوم صيانة
واذا كان حسابج توفير نفس الشروط الماضية بس الفرق انه يكون الرصيد اقل عن 3000درهم
يعني كل شهر بيسحبون 25درهم الا في حالة انه حسابج حافظ على رصيد 3000 في التوفير او 5000 في الحساب الجاري ما راح ينخصم
او ممكن طلعتي بطاقة بدل فاقد..او في سبب ثاني اتصلي على الكول سنترر استفسري(04609222)
اضغطي واحد (للغة العربية)
بيطلع تنبيه ..بعد ما يخلص التنبه دقي صفر
وبيتم تحويلج على الموضفين

شهـري

ها ال 25 درهم ع قولتهم رسوم صيانة

انا كان حسابي جاري … ويخصمون كل شهر 25 … ما عندي راتب شهري .. بس اودع فيه من الفين او اكثر فالشهر … والرصيد فوق ال 5 الاف .. مع ذلك كانو يخصمون 25 رسوم صيانه

وهذا الي صار … الحين صارلي سنه من حولته لتوفير الحمدلله ماخصمو اي درهم ..

مشكوورات حبيباتي على الردود
انا اتصلت الحين قالي الموظف انه حسبولي الخصم من شهر 5 لانه رصيدي كان تحت 3000
اما اذا حافضت على 3000 وفوق ما راح يخصمون شي
انا توفيري

اذا ماضفتي 3000 زيادة بيتمون يخصمون 25 درهم شهريا لين يخلص رصيدج
انا عندي توفير وجاري والجاري اقل من 5000 وكل شهر يخصمون منه 25 درهم