بنتي العنيده

تاكل اكل طبيعي جدامي ومن وراي تاكل اكل حار او اكلات من البقاله وبعدين تقعد تشتكي لي من الم ببطنها
اخذها للدكتور ويقولي لاتخلينها تاكل اكل مب مفيد ويكلمها الدكتور يقولها مب زين الاكل اللي تاكلينه وانا اقول انها سمعت الكلام لكنها تعاند
وترد حليمه لعادتها الجديمه اكل فلفل وحلويات

ومن كم اسبوع خذتها للدكتور لان اسنانها متعلقه وماتقدر تاكل وشلهم ليها ونظف اسنانها المتسوسين وحط لها حشوه والحين ما فيها شي وبعد كم من يوم ما ترضى تاكل اسالها ليش تقول لان اسنانها الخلفيه ينبتون قلتلها اوكيه ولكنها تقعد تتحرش باسنانها الخلفيه لين طلع لها دم ودم ما يوقف خبرتها تاكل شي بارد علشان يوقف الدم

وبصراحه تعبت من تصرفاتها علمتها تدخل الحمام وتقفل على روحها الباب علشان ما اخلي اي شخص يدخل بعدها

علمتها كيف تسبح وتقراء كلمة شامبو وصابون ولكنها تسبح من فوق لفوق خبرتها عيب الخدامه تشوفها او اي شخص ثاني لكن لا حياة لمن تنادي

بنتي شاطرة بدراستها لكنها دوم متسرعه تتدعي معرفتها لكني اعرف انها ما تعرف لاني جربت هالشي

وخبرتها لاتتسرع وتخلي المدرسه تشرح ولكنها تقاطعها على طول

قلت اقعد معاها يمكن عندها كلام تريد تقوله لكن ولا شي بس همها انها تلعب
بنتي تريد تكون محور اهتمامي لكن هالشي صعب لان عندي مسؤووليات تجاه زوجي و
لان عندها اخت اصغر منها وانا حامل بالشهور الاولى

وقلت اخليها تكون مسؤوله عن اختها يمكن تفكر باحساس الكبار خبرتها تمشطها وتختار لها لبسها لكنها تريد تسوي ليها ميك اب وخبرتها انتوا صغار على هالسوالف

ياريت اللي عندها بنت بعمر بنتي تساعدني

كيف اخليها تسمع كلامي بدون عن تلف وتدور وتوقف طبعها

اهم شي احاول اني اقربهم من بعضهم وما ازرع الغيره بينهم

الغيره سبب اساسي في تصرفات البنات ومحاولتهم لفت الانتباه بأي طريقه

عطيها وقت اكثر لوحدها .. فقط

والدعاء في الصلاة

وفي سي دي للدكتور ابراهيم الخليفي .. أكيد بيفيدج اختي

موفقه يارب