مرحبا حبيباتي شحالكم
بختصار انا ربيعتي من يومين رجعت الاجنه المجمده وصار فيه التهاب من يوم الترجيع يعني تنزل لها افرازات صفره مايله على الخضره شوي وحكه وهي حاليا تاخذ تحاميل تثبيت وحبوب وماتعرف شو اتسوي وااااااااااايد خايفه
وحاولت تتصل في الدكتور بس الدكتور مشغول وااااااااااااااااايد مايستقبل المكالمات ومكان المستشفى بعيد عن مكانها ماتقدر اتسير له بسرعه
هل في وحده صار لها نفس الشي وحملت؟ او خلته لين يوم التحليل ومازاد عليها الالتهاب؟
وعلى فكره هي من ثاني يوم من الترجيع اتحس شوي مثل مغص الدوره ايي ويسير هل هذا عادي؟
الله يخليكم ردو علي بسرعه لانها واااااااااااااايد اتحاتي؟
والله اختي ماعرف بهالموضوع
وان شاء الله البنات يساعدونج
حبيت ادعيلها عسى خير ويارب تحمل ان شاء الله بعد هالتعب
للرفع
جزاج الله الف خير حبوبه
معقوله محد يعرف؟؟؟؟
حبيبتي لو ان مكانها..باخذ رقم موبايل الدكتووور… وبكلمه…او ادق العياده و اقولهم موضوووع ضرووووووري و اتخليهم غصبن عنهم ايحولونها على الدكتور…يمكن لا سمح الله صارلها إلتهاب من الترجيع.. انا الحمدالله مره رجعت بس ماصارلي جي..ضروري إتكلمه..حتى لو مشغول لازم يفضالها لو ثانيه…لا اتخلينها تهمل عمرها… ترا الالتهابات مثل ما عرف مب زين على الحمل يمكن اتنزله…
انا الحمدلله رجعت أجنة مجمده ما صارلي جي وخذيت تحاميل وحبوب بس ما نزلت من افرازت وياني الم في الظهر والصدر والحمدلله ماشاءالله طلعت حامل
وإن شاءالله تبشرنا بالحمل
ما اعرف بس حابة اعرف شو هو ترجيع الاجنة المجمدة
فديتج بالنسبة للعوار اللي شرات الدورة هذا عادي بعد الترجيع وبالنسبة للإفرازات مب شرط تروح للدكتور اللي سوت عنده العمليةعسب تسأل تروح لأي دكتورة تخصص نساء وولادة بس تكون شاطرة..واتوقع ان الإفرازات والإلتهابات عادي وتكون بسبب التحاميل ودوا التثبيت لأن أنا صارت لي التهابات فالشهر الثالث وقالت لي الدكتور هذا بسبب التحاميل اللي تاخذينها وهي تحاميل سايكلوجست.