لكن في النهايه قلت احنا متزوجات ونمر بمواقف متشابهه وفي بعض الاحيان الاقي وحده من العضوات كاتبه موضوع يكون مهم بالنسبه لي والاقي عندها الحل واستفيد.
حسيتي انج مظلومه حاولتي وحاولتي تتكلمين ….وتذكرينه ببعض المواقف اللي نصحج فيها وفي النهايه ما كان منه الا الاصرار واتهامج بان كل اللي تسوينه غير صحيح
وانج غير صادقه في كل شيء…
كرامتج ما سمحتلج تتناقشين اكثر بينتي له ثقتج في نفسج وقمتي وخليتيه.
موقف الزوج:الزعل والانعزال وعايش حياته كانج مش موجوده"سلام لا اكثر.
لازم يكون شي مساحه للصراحه والسماح والنقاش ……..بين الازواج
لو غابت هالاشياء ………..بتم نفوسنا وقلوبنا مثل قطعه الذهب او الفضه
يتجمع عليها الغبار والصدء بعد مره مره(وبنكره حياتنا وشريكنا )
طرشي مسج ………كلمه حلوه ترطب القلب وتليين الحياه
ابتسامه ………..ومع الايام خلي بينج وبينه مساحه للنقاش
الله يسعد ايامنا جميعا
ما برتاح لين ما اوصل له الي ف خاطري بس اهم شي اكون صدق مظلومة… بخليه فترة لين ما يهدأ وبعدين بفهمة الي ف خاطري بس اهم شيء الوقت المناسب..
الله يسعد الجميع..
ريحه المسك….
ردج راااااااائع
عاد ي وايد مواقف تحصل 
سبحان الله
بس انا بالسنبة لي اسوي شراته بالضبط 
UM HAMED
الله يسعد الجمييع
ما بهده برووووحه وبفكر ف مليوووون شي عسب ارد العلاقه مثل ما كانت
ممممم ساعات لو كان هو الغلطان ومب راضي انه يعترف بهالغلط اتغاضى عن المشكله واحمل عمري انا الغلط وأتأسفله واراضيه بأي طريقه بس عسب ايييب راسه وعقب ما يرضى افهمه المشكله من بدايتها واحمله الغلط بس بإسلووووب راقي وبعيد عن العصبيه والصراخ والعناد
لاني اذا حملته الغلط وكبرت السالفه بينعزل وبيطوووول ف الزعل وبياخذ راحته وااايد وبتخترب العلاقه وممكن ان يقص عليه الشيطان ف اي وقت وانا ماعندي خبر
وما افكر ف الكرامه في حال اذا رفض يسمعني , احاول بكل الطرق اني اكسبه … لان بالأخير هذا زوووجي وانا حرمته