الفريكة بالصور

باسم الله

نأخذ حبوب الفريكة (بتحصلونه في المحمصات بالكيلو) هو حب يشبه حب الهريس شوي بس أنعم ،، وشي عادي وشي أسمر .. بس لا تأخذونها ناعمه خذوها حب ..

أول شي نأخذ حبوب الفريكة ونظفه من الوصخ زين ،، بعدين نغسله كم مرة لين ينظف ونتركه في ماء أطول وقت ممكن … كل ما خليتيه فتره أطول كل ما كان وقت الطبخ اسهل ،،، بعد طبعا مب أقل عن ساعة ..

نقطع البصل صغار ونكثر منه .. تقريبا 6 الى 8 بصلات

نخلط حبوب الفريكة بعد ما نصفيها من الماء زين
ونضيف عليها زيت + زيت زيتون ( ما يعادل كوب ) ونخلطه كله

نضيف الملح + البهارات + الفلفل الأسود + الكمون (وكثروا شويه من الكمون يعطي طعم لذيذ ) .. ونخلطه

نصب الخلطة في صينية الفرن ..

نصب فوقه ماء ونحاول ما يكون وايد ،، نخلط الماء فيه ،، ونسكره بألمينيوم
وندخله الفرن ..
بين فتره وفتره نشوف اذا يحتاج ماء نضيف عليه ونحرك
وتقريبا تأخذ وقت طويل أكثر من ساعه وهي في الفرن تستوي ..

بعد ما نضجت وتشربت الماء كله ،، تظهر لنا بهالشكل

نقدمها وتأكل وهي حاره ..

أنصحكم تسوونها وايد لذيذه والكل مدح طعمها
وبالعافيه عليكم

ادعووولي انحج بالايلس واييب 5