بسم الله الرحمن الرحيم..
اكتبلكم ياخواتي و انا هلاكانه و تعبانه من المرض الله ايعيني …
السالفة و مافيها ياخواتي العناد ترى ابد مب زين بس عاده منو يقول…
انا من كم يوم مريضة و تعبانه من تغير الجو ..كحة و هالسوالف رحت الصيدلية علشان اخذلي دوا..و ماقصر فيني الصيدلي عطاني الدوا و نصحني نصيحة ..الي هيه الراحة و من ثم الراحة و الراحة..فقالي وقفي التمارين الرياضية و الحركة الزايده تراها بتضرج..جان اقوله انا اصلا ماسوي رياضة و لا احب هالسوالف…و بس ليش عادة ايقولي لاتسوين رياضة ..وادشلكم فيرجين و اخذ بدال السي دي الواحد ..اربعة مال الرياضة و يوم رجعت البيت والا ادور عن سي دي خامس ..و احطيهم في الابتوب والعب لكم هاييج الرياضة…من يوجا لبيلاتييز و الله اعلم شو..لين ماهلكت..و اصبحت اليوم الصبح حالتي كسيفة و زاد عليه المرض ..والحين يالسة في الدوام و ايقولون لي روحي البيت و معانده حتى في نفسي ..يوم بيخلص دوامي بروح البيت….
خبروني حبيباتي عن تجاربكم ويا لعناد فادكم والا شراتي زاد عليكم ايام المرض و تعبكم اكثر…
قصتي مع العنااد طويله هههه
شوفي انا فيني فقر دم والدكتورة دوم تعصب علي وتقول بنقلج دم عااد دمي يوصل 6او7
يعني انيمياا حادة00وتعطيني حديد واملاح معدنيه00بس عنااد فيهاا ليش اتعصب على!!!!!!
ما استعمل الدوااا00الله يهديني دوم تعبانه وتضربني دووورة واي مجهود تلقيني طاايحه من التعب
بس الحينه الله هداني من شهر الحمد لله مدااومه ع الادويه
ادعيلي افتك من الانيمياا 00ومشكورة فديتج ع الموضوع
يعني انتي ما تسوين رياضة ويوم مرضتي ولازم ترتاحين سرتي تسوين رياضة !!=> ههه
ان شاء الله العنيدات يفيدنج ^_^
^_^
امممم انا وارثه العناد من الوالده فديت خشمها ..
هههههههههه ادري شي كلش كلش الواحد ما يفتخر به ..
بس بعد .. شنقول . طبع و مانقدر نغيره < مب ماقدر .بس صعب شوي ^_^
مره سألت الوالد ربي يحفظه .. قلتله يآيبه ..كم من 100 تعطيني نسبه عناد !!
قال أنتي !!!!!!!!!!!!!!!!!!!!!!!!!!!!!!!!!!!!!!
مب وايد !!!!!!!!!!!!!!!!!!!!!!!!!!!!!!!!!!!!!!
بس !!!!!!!!!!!!!!!!!!!!!!!!!!!!!!!!!!!!!!!!!!!!!
بس !!!!!!!!!!!!!!!!!!!!!!!!!!!!!!!!!!!!!!!!!!!!!!
85% و فوق ^_______^
العناد واايد يأثر في حياتنا
انا فقدت ثقتي بناس بسبب عنادي
و فقدت بعض الصداقات بسبب عنادي
و تعكر جوي و جو بعض القريبين مني بسبب عنادي
بس مع ذالك .. في شي طيب يجمعنآ جميعا ً ^_^
حبوبتي .. حاولي شوي شوي تتركين هالعاده
لآنج بتخسرين وايد
أسألي وحده مجربه و خسرت ناس و اشياء ^_^
الله يهدي الجميع
المشاركة الأصلية كتبت بواسطة * ام خماس * 
شوفي انا فيني فقر دم والدكتورة دوم تعصب علي وتقول بنقلج دم عااد دمي يوصل 6او7
يعني انيمياا حادة00وتعطيني حديد واملاح معدنيه00بس عنااد فيهاا ليش اتعصب على!!!!!!
ما استعمل الدوااا00الله يهديني دوم تعبانه وتضربني دووورة واي مجهود تلقيني طاايحه من التعب
بس الحينه الله هداني من شهر الحمد لله مدااومه ع الادويه
ادعيلي افتك من الانيمياا 00ومشكورة فديتج ع الموضوع
الله يشفيج حبيبتي و ماتشوفين شر ..
