السلام عليكم ورحمة الله
فبالي سؤال دوم افكر فيه انا بقولكم الموضوع وان شاءالله احصل الاجابه …
اذا الوحده تصلي وتصوم وتقراء قرأن بس تتكلم ع الناس دوم تسوي مشاكل دوم زوجها زعلان منها لها اجر بهذا الشي …؟؟
وشو رايكم بالاشخاص عند الناس مافي اطيب منهم وبالبيت يسبون ويتكلمون عليهم ؟؟
انا قبل كنت وايد وياهم اساعدهم اعاملهم بطيب ولا مره غلطت عليهم بس هم فجأه يتغيروا متقلبين المزاج دوم مسويين احزاب يحبون هذا ويكرهون هذا تعبت منهم ومن تدخلاتهم 
احاول قد ما اقدر ابتعد عنهم ولا ارمسهم غير بطريقه رسميه صرت اكره ايلس وياهم …لانهم يكرهون كل شخص يكون واقف وياي ويا الحق …احاول اهدي نفسي ولا اغلط بس بعض الاحيان احس نفسي بنفجر من العصبيه ياليت تساعدوني شو اسوي ….والمشكله وايد يتكلمون من وراي ويحسسوني انا وحده غلطانه رغم ان الكل يعرفوهم ويعرفون مشاكلهم …ما اعرف كيف تفكيرهم كيف الواحد يتعامل معهم …؟
هلا حبيبتي
الله يعينج على اللي عندج .. بصراحه حالتي مثلج سبحان الله .. نفس الشي صلاة ودين لكن حش في النااس موجود ةعلى طول في لسانهم.. يقابولنج بطيب مره ومره كارهينج |… بس انا غلطت من اول ماتزوجت وانا اداخل معاااهم واحب انصحهم .. حتى وحده من بناتها دبه في فتره كارهه عمرهااا ومب طايقه حياتها قعدت انصحها تهتم في عمرها وتنزل وزنها وكنت واااايد طيبه معاهم .. حتى مرات ابديهم على اهلي في اشياء … بس بعد اول سنه من الزواااج انقلب حالهم .. وصراااحه ندمت على طييييبتي معاااهم وانقهرت اني كنت طيبه واهم انقلبو علي ,,
بس نصيييييييييييييييحه مني لج … مايكون بينج وبينهم الا السلام والكلام العادي , انا من اتبعت هالشي وانا مرتاحه نفسياااا
ربي يعينج ويوفقج حبيبتي
الله يعينا الدنيا دواره حسبي الله ونعم الوكيل
المشاركة الأصلية كتبت بواسطة ضي العيون.. 
زين يوم تعرفون الدنيا دواره في هالزمن ما نعرف منو الصادق ومنو الكاذب
احنا حرمة اخونا ما تحبنا مع ان ما ندخل في حياتها خيرشر وهي ساكنه بعيد عنا
الغالية دامج ماشيا صح ليش تنقهرين ودامج متأكده من تصرفاتج ليش تحاتينهم وتفكرين ليش مايرمسون وياج
انتي دورج تأدين وواجبج وتطنشين رمسو ولا مارمسو اجرج عند رب العالمين واول سوال عن المراءة لو تصلي وتصوم
وعندها سوء اخلاق انا سمعت احد المشايخ بالسيارة انه ماتشم ريحة الجنه حتى لو تصلي وتصوم واخلاقها سيئة
ورضا الزوج واجب عليها وما يصير الوحده تاخذ دور القوامة قوامين على النساء بحدود الدين
نصيحتى لج اذا عندج كلمة حق خليها حقج حتى لو فيهن عيوب لاتدخلين فيهم خليج بعيدة وبترتاحين
هذا طبع مب حلو و للاسف نحن نواجه بعد لاتنسين لو كنتي انتي خوانج امعرسين اكيد اهل حريمهم نفس الشي اقول عنا او حريمهم هههههههههههههه
انا الحمدلله بعيد عنهم و لا اسير بيتهم خليت عمري بعيدة عنهم من البداية و ازورهم الا في المناسبات و عادية و ياهم بعد كنت طيبة و هدايا غدروا فيني حسبي الله عليهم.
رياييلكم يرضون تتحسبون على أهلهم الشره موب عليكم الشره على أهل رياييلكم الي مزوجينكم ولدهم