السلام عليكم
الغاليات حابه اخذ مشورتكم انا معرسه وعايشه ويا ريلي في شقه ريلي قالي انه عمي عارض عليه انه يبني لنا ملحق في بيتهم ونعيش فيه وانا محتاره بصراحه بين هي ولا اخاف ريلي يتغير او ما ناخذ راحتنا خص احنا الحين ماخذين راحتنا اكثر وانا علاقتي فيهم الحمالله اوكي اخاف كثره الاحتكااك او من كثر ما نكون عندهم يملون منني او تبتدي المشاكل انا بصراحه محتاره ولين الحين ماقررت اللي عايشه هاي التجربه تقولي عن تجربتها وشو تنصحني ؟
ما أنصحج مولية … خلج بعيد أحسن ..
شوفي حلو انج اتمين فـ بيت بروحج
تاخذين راحتج وغير جي ما تكونين متقيده مع حد
بس انج اتمين بيت اهل ريلج على طول احس مب شي لانج ما بتاخذين راحتج وبتمين متقيده بهم وايد
اوكي لو بتمون مده وعقب تروحون لبيت روحك جي اوكي بس انكم اتمون على طول صعبه شوي
بس الشقه تكسر الظهر كم بتدفعون على الشقه !
الواحد يكون له بيت ابرك من الشقه
انتي استخيري وشوفي اللي يريحج وفكري عدل
لا اله الا الله 00حبيبتي استخيري وفكري بأيجاابيه أكثر^^
ويلسي مع ريلج وكلميه عن مخااوفج 00وتنااقشوا عسب يكون على
علم بكل شي انتي ماا تحبينه ومتخوفه منه 00والصرااحه راااحه فديتج
الله يسخركم لبعض وايسر اموركم عنوووني
الشقه وايد اريح
فـ النهايه الراي لج
احلى رفع
يسلمووو
الملحق أفضل بتكونون معزولين عنهم مابيحتكو فيج أكثر أفضل
لو غرفة وياهم في البيت مجابلينج 24 ساعة
ومشاكل أنا أختي وبنت خالتي ساكنين بملحق وعادي مايحتكو فيهم
لانهم معزولين عنهم وانتي أدرى بأهل ريلج إذا ناس طيبين
ومو من النوع اللي يدخلون بحياة أولادهم
وأفضل لكم توفير الفلوس من أجار الشقة