مرحبا الغاليات
انا عروس ع اخر الشهر هذا وتعرفون كل عروس لازم تحف ويهها بس انا مااقدر احف لانه ويهي فيه حبوب وبشرتي حساسه اخاف احف يلبق حبوب بزياده وفوق هذا اصلا انا مااتحمل الخيط والشمع بيحرق لي ويهي وبيبقع!!!
عاد انا سمعت عن الميدلايت والسوفت لايت اللي يكون شراة الاوكسجين بس يطول اعتقد يتم لفتره 3 شهور ولا 6 شهور سمعت
عاد ابا من الحلوات الامورات اللي جربوا السوفت لايت ولا الميد لايت يخبرني وين سووه وبجم وشو يحسن اذا ينفع لي كعروس ولا مع العلم انه اللي نصحتني فيه دكتورة الليزر نفسها بس قالت لي تعاليلي كوزمسيرج فالشارجه بس ابا اعرف تقريبا بكم يسوونه فالاماكن الثانيه وشو النتيجه مرضيه ولا مايحتاي اسويه ومامنه فايده؟؟؟؟؟؟
بليز ردن علي ضروري لانه عرسي جريب وابا اعرف اذا لازم من الحينه اسويه واذا ينفع ولا ادور لي حل ثاني
الله يسعدج يالغاليه
أنا اعمل ليزر و نفس الشي نصحتني الاخصائية بالسوفت لايت بس بعدني ما جربته .. اتمنى البنات ايفيدونج
بس اكيد ما انصحك بالخيط ولا الشمع ولا غيرو لانه دمار للبشرة الحساسة
up up up
ما سمعت عن هالاختراع ابد ان شالله البنات الي يعرفون يخبرونج
للرفع
ومنكم نستفيد ^_^
انا قبل عرسي سويت السوفت لايت وكملت شهر ونص تقريبا
انصحكم فيه وايد اوك والشعر مايظهر بسرعه للويه ومادمر البشره نفس ماهي ابدا مافي خطر
سويته في صالون البرواز في الطوارسنتر فدبي ب300 درهم
بس لازم تحجزون قبلها باسبوع لان زحمه وايد
عزيزتي انا اسوي الميدلايت لانه بشرتي وايد حساسه وما تتحمل لا خيط ولا شمع
انصحج بالميدلايت لانه السوفت لايت بس للشعر لكن جهاز الميدلايت حق الشعر والبشره بعد ما تسوينه بتشوفين الرؤوس السود تطلع روحها وعليج تمسكين كلنكس وتضغطين عليهم مثل الفيشل يعني يغنيج عن الفيشل وبالفعل يعدل ويصفي البشرة بعدالاستعمال الطويل انا الحين لي اكثر عن سنه مداومه على الميدلايت والفرق واضح وضوح الشمس ..بشرتي فتحت وصفت وراحت عني الكلف والشعر الخشن والمناطق السود اللي فالذقن راحت والحين استغنيت عن المكياج بشكل نهائي وخصة البودرة مع اني كنت مستحيل اطلع برع البيت بدون بودره …
بس نصيحه لاتسوينه الا في عيادات تخصصيه ودكاترة معروفين لانه بالذات الويه ما يتحمل اي حد غير متخصص يسويه وخصه الصالونات لانهم مش متخصصين …
انا اسويه في قرية دبي الطبية عند الدكتور حميد تقدس في جميرا اول جلسه لازم الدكتور يشوفج وبعدها يحددلج كم الرقم اللي لازم يستخدمونه لبشرج وبعدها الممرضات هم اللي يسوولج وانا مثلا كل شهرين الى ثلاث شهور احتاج جلسة لانه الشعر بعد فترة روحه يبتدي يخف والجلسة اتكلفني 750 درهم .
واي اسفسار انا حاضرة