السلام عليكم
صبحكم الله بالخير ومباركة عليكم الرحمة
بادش في الموضوع بسرعة … الله يعافيكم ويعافينا ويعافي أهلنا كلهم .. أنا وريلي مضطرين نسافر قريب إن الله راد عشان نعالج وحدة من بناتنا الثنتين .. العودة عمرها حوالي السنة ونص والصغيرة بعدها 5 شهور … إحنا راحين بعيد وأهلنا يبغونا نشل معانا الخدامة .. بس بصراحة قاعدة أفكر ما أشلها لأن تدرون ما بناخذ راحتنا أبدا لو كنا في شقة صغيرة هناك خاصة إن ريلي بيضطر يراعي وجودها عندنا في اللبس …
الحين ودي أسأل ناس مجربيبن السفر مع يهال
هل تتوقعون ممكن ندبر أمورنا من غير الخدامة مع المراجعات وفي المستشفى والمطارات؟؟ خصوصا إنّا احنا الاثنين ما بيكون عندنا شغل ..
أو هالشيء صعب ومن الأفضل نوديها معانا ؟؟؟
وألف شكر سلفاً …
أنا أفضل السفر بدون الخادمة
لأنه أنتو أثنين وبناتكم ثنتين وما عندكم إلتزام غيرالمواعيد خذولهم عربات وكل واحد يكون ملتزم بوحده من البنات عند طلعتكم وما بيكون فيه تعب بالعكس بتاخذون راحتكم واااااااااااايد
وأنت وراحتج
الله يحفظهم يارب
يوم كان عندي بناتي التوم بس كنت ما اخذ الخدامه وياي كنا نتعاون انا وريلي
بس الحين لما شرف ولي العهد بصراحه احيانا اخذها وياي واذا فكرت اسافر اكيد بشلها
انا ما عندي غير واحد والله يخليلي اياه وكل ما اسافر او اطلع برع يعني انبات ف مكان ما اخذها وياي
بس راي مثل راي الاخت بدر 0 البدور
ما افضل اتشيلين الخدامة وحدة لانكم ما بتاخذون راحتكم
وأنا رايي من رايج أختي 
المشاركة الأصلية كتبت بواسطة بدر0البدور 
لأنه أنتو أثنين وبناتكم ثنتين وما عندكم إلتزام غيرالمواعيد خذولهم عربات وكل واحد يكون ملتزم بوحده من البنات عند طلعتكم وما بيكون فيه تعب بالعكس بتاخذون راحتكم واااااااااااايد
وأنت وراحتج
أختى على حسب الوجهه .. والبلد اللى راح اتروحون له
اذا رايحين اوربا .. لا تخاطرين وتأخذين الخدامه ..
لانه في إحتمال 99% .. تشرد
اما اذا العلاج في شرق آسيا ..
فشاوري زوجك .. هل يريد الخدامه أو لا ..؟؟
واذا ما يريد الخدامه هل هو مستعد لمساعدتك في العناية بالبنات ؟؟
علشان بروحج راح تتعبين وخصوصا ان بناتك صغار ..
وفي كلا الحالتين ,, خذي معاج عربانه اللى فيها كرسيين (دبل)
علشان تكون حركتكم سهله مع البنات ..
وربي يسهل اموركم .. ويشافي مريضتكم .. يا رب العالمين
واتروحون وترجعون بالسلامه يا ربي