اللي ريلها شخصيته ضعيفه تشارك ويانا تقوللنا شقايل تتعامل وياه
انا عندي مشكله في هذا الشئ انا الام وانا البوس يعني لازم انا اللي اسيير الامور لدرجة انا الصغاريه يستشيروني في شئ والزوج العزيز وياهم حتى في طلعاته انا بطلع انا برجع انا باكل انا بشرب تعقدت .. البيت ما يودره 24 ساعه يالس فيه
اذا بيطلع ساعه ساعتين ويرجع
ما اقدر اسوي شئ ولا اعدل شئ والا اهتم بنفسي مستولي شرات اليهال اذا دخلت الحجره دق علي افتحي ..
حتى اليهال يراوشهم ما يخليهم في حالهم.. حاسه مفتقده شئ احس اني ما املك زوج كل اللي عندي يهال اربيهم برايكم شو الحل..
الغالية اللي تتكلمين عنه مب ضعف شخصيه!!!!!!!!
انا ريلي 24 ساعه فالبيت صدق يقهرني مرات لني مالقى وقت حق عمري بس لازم اتعود ع هالشي وبالعكس احبه يقعد وياي واحس انه مرتاح في يلسته وياي
والمشكله اول ما ادش الغرفة يزقرني تعالي ليش تسيرين الغرفه تمي وياي!!!
واذا بيطلع لازم يخبرني مستحيل يطلع من غير مايقول لي
بالعكس حبيبتي هذي اشيا ايجابيه
اما اذا كان ضعيف الشخصيه مثلا يعني ماله كلمه وشخصيته مهزوزه هني انا معاج مب حلوو
لكن انا اشوف الاشيا اللي كتبتيها ايجابيه جدا وكل حرمة تتمنى ريلها يتم وياها ويخبرها كل شي ويبغي يقعد وياها طول الوقت
يا حظكم خواتى هذه غبطه( تمنى نفس النعمه مع حب بقاء النعمه ودوامها على الآخرين ) يعنى مب حسد ياليت ريلي جذيه حبيبتى هذه نعمه من الله انه يكون جدامج طول الوقت ويحب يجلس وياج احسله من الخراب الى برع البيت واحفظله من الفساد
هو ماله كلمه في البيت بيضارب ويا الصغاريه وبيقولي تعالي شوفي ولدج ما يسمع كلامي ..
الحمد لله انه مب راعي سوالف بس عاد مب لهدرجه صار ملل في حياتنا وروتين يومي ويوم بياخذ اجازه اقوله طلعنا يقول مااقدر تعبان وكله رااااقد وانا ايلس مجابله الطوف حتى في شهر العسل كله رااااقد وانا واعيه ويوم اوعيه قال خليني برقد تعبان.. حاولت بكل الطرق اغيره بس ما قدرت..
الله يعيينج فدييييييييتج ..
يوم أنه يالس فالبيت 24 ساااعه .. حاولي أنج تطلعين وياااااااااااه
لا تطلبين هالطلي و اهو تعبااان و ان قال لج تعباان قولي له خلاص بااجر ,,
و الله يوفقكم
المشاركة الأصلية كتبت بواسطة ظبيانيه عيناويه 
يوم أنه يالس فالبيت 24 ساااعه .. حاولي أنج تطلعين وياااااااااااه
لا تطلبين هالطلي و اهو تعبااان و ان قال لج تعباان قولي له خلاص بااجر ,,
و الله يوفقكم
حتى يوم بتقرب منه في البيت يخوز بعيد عني اونه يستحي ويغار ومن هالسوااالف مب جني انا الحرمه.. ويوم بطلب منه طلب وبدلع وبكون هاديه يسوي عمره ما يسمعني اللين ما افتن عليه سمع..
الغالية سوي لج جدول أسبوعي
يعني طول الاسبوع دوام
االخميس تسهرون
الجمعة زيارة الاهل ( أهلج أو أهله)
السبت أطلعوا ويا الصغارية
بس هو هب ضعيف الشخصية يمكن ما يحب يقعد ويا الشباب وايد يحب يقعد جدام التلفزيون وشكله كسول وايد يحب ينام