بنات ابى حل منكم
انا دورتي تكون كل شهر بس ماتكون منتظمه نفس التاريخ مرات اول الشهر ومرات ف النص او اخر الشهر
والحين مااعرف متى احدد موعد عرسي .. تخيلو بس يكون عقب العرس بيوم فيني الدورة او قبلها بكم يوم خخخخ
الحين شو الحل مااعرف شو اسوي ومابى استخدم حبوب اخاف يأثر عقب ..
خلي الأمور عالتسااهيل وربنا يوفقك
روحي عند الدكتوره عشان تاخذين علاج تنظم لج الدوره وعقبها راح تكون دورتج منتظمه يعني كل 28 يوم وجيه تقدرين ترتاحين من هم هالموضوع او خذي حبوب توقف الدوره وعقب العرس روحي تعالجي عشان تنظميها بس انصحج لا تيج الدوره في يوم العرس واايد بتتلعوزين اعرف وحده ريلها يوم عرف انه فيها الدوره عادي عنده بس مادري حست عقب انه بدا يجزها وتمت عنده شهر وطلقها بس تدخلوا الاهل وردوها ادري انه ماعنده سالفه هذا من الله بس الواحد يقدر يرتب لعمره وانتي شو رايج
عادي وكلي أمرج لرب العالمين,
الزواج ليس ممارسة الحب فقط, الزواج حنان عطف موده أمان وراحه نفسية ..
أنا فاسبوع عرسي بالضبط بتييني الدوره والحمد لله احنا متفهمين الموضوع وعادي .. وانتي ما بتعيشين وياه ليله بس, بتعيشون ويا بعض عمر يا قلبي , يعني وراج العمر كله ..
هيه ادري هالشي بس انا قصدي بتلعوز مع الدورة وسالفه السفر احس بيكون هالشي احراج لي ومااقدر اخذ راحتي او حتى لو كان فيني الدورة قبل العرس بكم يوم بعد بتبهدل ومااقدر اسوي شي بموضوع التجهيز للعرس وسوالف الصالونات ..
هييه والله صدقج عيل شورايج ف وحده ريلها طلقها يوم شافها تربي المشكله كان معاها ف غرفة العمليات تم يجزها وتعقد نفسيا وكره شي اسمه الزواج ههههههه صدق هالرياييل ماعندهم سالفه