السلام عليكم خواتي ابغيكم تعطوني رايكم…..
ما ادري شو اسوي بصراحه بقوللكم انا عندي بنت بتدخل المدرسه السنه اليايه انشاء الله يعني بتكمل الاربع سنوات اوكي…وعندي ولد عمره سنه ونص انزين ريلي الحين يبغيني احمل بس احس حاليا انا مأخره الموضوع لاني اذا حملت افكر انه بنتي بتدخل المدرسه وبتكون صعبه عليها لانها اول سنه يعني في البدايه بتاخذ مني جهد بعدين ولدي فديتها ما شاء الله عليه حركي واايد ودووم يوم يلعب يضربني على بطني في اليوم اكثر من خمس مرات طبعا من دوون قصد وانا يوم بنتي تعبت يوم حملت كان عمرها سنه وتعبتني واااايد انا افكر احمل يوم بيكمل ولدي سنتين واربع اشهور او سنتين ونص انا غلطانه ولاافكر انه الولد بيكون يفهم اكثر ما شاء الله اذا الله عطانا عمر وشفت على بنتي يوم كملت سنتين كانت ما شاء الله تفهم وتسمع الكلام على هذا الاساس فكرت احمل بعد السنتين وكم شهريعني بتكون بنتي راحت المدرسه وتعودت والحمدالله وقلت حق ريللي جذي بس منو يقنع الريياييل
مرحبا أختي. أنا أشوف انو عقب 6 شهور يكون زين,يكون أبنك كمل سنتين ولين تربين يكون صار شاب ماشالله.
حبوبه سوي اللي ايريحج لأن انتي اللي بتتعبين في النهايه
المشاركة الأصلية كتبت بواسطة Lilas 
نفس الراي
مرحبا اختي انا اقول ما دام انش مسويت لش حل عشان ما تحملين
اتريي لين ولدك يسير عمره ثلاث سنين لاانه توه صغير
ولا تنسين التربية في ذا الزمن وايد صعبه
والله يعينج علئ ريلك انشاء الله يقدر صحتج
و
الله يقدرنا علئ تربية عيالنا
الله يعينج
اشرطي على ريلج قوليله اذا انا حملت شاركني بالمهام خليه مثلا هو يدرس البنت وانتي اجابلين الولد عسب ايحس بمعاناتج وبعدين بيقولج خلااااااااااااااااااص كفايه
اتفاهمي وياه ان بعدهم العيال صغار وخليه يتريا شوي