الحذر الحذر من هاي العضور نصابه تراها

انا بالعاده ما اشارك وايد في النتدا لانه ما عندي وقت. بس حبيت ادش و احذركم عن عضوة الله لا يسامحها …

هيه الله لا يسامحها دنيا و اخره

اشترك وياها في جمعية و خذت عني 4000 درهم و يوم يا دوري استلم قصت علي و ما عطتني !!!

تخيلوا !!! كيف ترقدين و يهنالج بال وانتي ماكله حق غيرج !!! كيف بتوقفين بين ايدين ربج !!! و الله بتنسالين يوم القيامه و بتكون المواجهه بيني و بينج و ربي ما بسامحج ابد.

انا وايد محتاجه للبيزات و اتصلت فيها كم مره و ما ترد !!!!

اطرشلها مسجات كل تقولي اليوم و باجر …. و ما شفت منها شي ….

لا و ازيدكم من الشعر بيت !!! دخلت ع مواضيعها و انصعقت انها حاطه موضوع في المساعدات الانسانية و تطلب من البنات بيزات حق وحده محتاجه !!!!

انتي ردي امانات الناس اول و بعدين سوي خير فالغير ….

والله العظيم ان كل كلمه اكتبها صح و اني مب قاعده اتبلى عليها و الي تبا تتاكد بعطيها رقمي و بحلفلها ع التلفون ان كل كلمه اقولها صح.

و الي تحب بعد بطرشلها الفواتير و الايصلات الي دفعت حقها بالايميل .

بس ترا انا انسانه صاحبة مذهب و اسلوب و مهما كان ما بفضحها في الملأ … اطلب منها و جدامكم كلكم تردلي بيزاتي كامله و الا بفضحها لانها بتكون جبرتني اسوي جذيه …

سامحوني بنات طولت عليكم … بس حبيت اخبركم ان لا تثقون في اي حد مهما بين لكم المظهر

وترا الدنيا مب ابخير و اصحاب الاحتيال و الشر واييدين …

قال الله تعالي (( إِنَّا عَرَضْنَا ٱلأَمَانَةَ عَلَى ٱلسَّمَـٰوٰتِ وَٱلأرْضِ وَٱلْجِبَالِ فَأبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا ٱلإِنْسَـٰنُ إِنَّهُ كَانَ ظَلُوماً جَهُولاً))

اطلب منج عزيزتي انج تتفكرين في ها الايه … و تراجعين نفسج و اذا اصريتي على موقفج انتي حره … بس لازم تعرفين ان هذا الشي لصالحي …

الدنيا و صخه …. و الفلوس تروح و ترد … ويوم الدين ياي … و بنتواجه