صدق انه صعب الواحد ينجرح من انسان قريب منه يعد شي كبير في حياته بس مع الوقت تزيد الفجوه خاصة ان مافي من الطرفين اي مبادره
شو شعورج يوم تيي اعز انسانه تجرح مشاعرج ؟
شو شعورج يوم تحسين انج انبعتي ؟
شي يقهر صح ؟
اتركك لكم الاجابه لاني عشت شي من هالجرح و اتعبني بس بيبرى اكيد باذن الله و الحياة مستمره
انا صارت معاي بس اكتشفت ان هي ماتعز!
لان بشكل عام اذا الواحد يعزك مابيجرحك
لانه يحبك ويتقبلك
ولو صار من غير قصد يعني تعرف انه بس بسياق الموقف بس
بس في ناس اسلوبهم عفش
يعني مايعرفون يتكلمون وانت تعرف اسلوبهم
فالخيار لك ياتستحمل ياتتركهم بسلام
او يهمهم اكثر شي النفس! يعني كل شي في خاطرهم على اللسان
يتفلسفون ومايتحملون! يعتبرون نص نص
يمكن تعتبريهم معارف ويقدمون لك مساعده بس ماتعمد انهم مايجرحونك بالكلام!
بس بشكل عام الانسان ممكن ينجرح حتى من الشخص عابر السبيل مايربطه به اي صله
لانه يعتمد على كبرياء الشخص ذاته
وممكن انسان قريب دوم يجرحك بس تعتبره عادي عشان قريب منك كثير وتعتبر بس من اليوميات
مثل يوم على سبيل المثال اختك او اخوك يسميك بشي انتي ماتحبيه او يقول اختي ماتفهم او دبه او انتي من بياخذك
ويكون قاصد
بس انتي عشان قريب منك كثير ماتهم كثير بالموضوع او انك بتسوي له مشكله!يمكن عشان عايشين في نفس البيت او عشان صلة الرحم ماتحطين في بالك شي ضدهم لو قالوا
حتى الزوج يمكن يجرح زوجته بس يمكن تطنش الكلام عشان تعرف انه بس كلام وفي صله بينهم قوي!
ولو قالت نفس الكلمه ربيعتك لو تحبينها بتزعلين منها ويمكن تقاطعينها
عشان مافي صلة كبيره مثل اي حد
ويمكن عابر سبيل ماتعرفينه لقيته في مكان يجرحك بكلمه ماتنسينها طول العمر
يمكن تتمنين موته عليها!
اللي مايباك لا تصيح تباه
واذا كان سوء فهم مصير الايام تصفي النفوس
واحيانا الفراغ يخلي الانسان يجلب الاولي والتالي واذا حصلتي
شئ يشغلج بتعدينها وتقولين وتستمر الحياة
صباح الخير تبون الصراحه و تستمر الحياة والحمد لله على كل حال علها خيره لنا
تحية طيبة وبعد ,,
الصراحة مرينا بها المواقف وايد بس في ناس يوم يجرحونج يبون تتقبلين الوضع ولا كانه مسوينشي بس انتي اجرحيهم سوولج حفلة بدون كيك والكل بيعرف قصتهم المجروحين .. ولا يبونج تعتذرين لهم وهم ماتنزلو يعتذرون لج .. بس احسن شي سوي طاف شي ناس ماتستاهل الا والدينج لاتقطعينهم لو شو سوو فييج .. بس ربيعاتج اكبر طاف وحياتج ,, لنه لو صدق ربيعتج مابتسوي هالشي ترى هالزمن يحبون يجرحون ويمصخرون الغير بس انتي اتقبليهم ..
ياريت جرح واحد ولا اتنين من قريب أو غريب ومازلت حبيبتي انجرح ..تغيرت ووصلت لحد الإشباع طبعا
أنقهر أسوي طاااااااااااااااااااف أنسحب وأحاول أتناسى
المشكلة شي ناس مفروضة عليج صلة الرحم بتعامل معاهم فيما يرضي الله وبس لا مودة ولا هدايا وووووووو
القهر يمرض ويسوي اكتئاب والي قهرنا يالس ماهمه شي فليش نحط فخاطرنا