السلام عليكم
يا بنات انا يمكن اسوي تلقيح صناعي بالرغم من اني بعدني مش مرتاحه من الفكره بس اتوكلت واباكم اتفيدوني ..
و الدكتوره اتقول لي بتسويلي التلقيح ونا بديت العلاج وعطتني موعد من ثاني يوم للدوره وقالت بعطيج الكلوميد تاخذينها لخمس ايام ومن خامس يوم بالدوره بتعطيني ابرلمده خمس ايام لان الابر قالتلي انها تحمي المبايض من التكيس
بنات اللي سوت التلقيح او عندها خبره او معرفه بهالامور لا اتقصر واتخبرنا شو استوا معاها
الله يوفقج وييسر امرج … واتوكلي على الله
حبيت ارفع الموضوع واتمنى البنات يفيدونج
الله يوفقج حبيبتي
مشكورات حبيباتي للرفع
بنات ابي معلومات بخصوص التلقيح
حبيبتي كل شي بيد رب العالمين يعني فيه بنات سوها ونجحن من اول مره وفيه بنات بعد عدت محاولات لنحجت
معهم انا سويتها والدكتور وليد قالي لاتسويها مابتنج وياي ومع هذا سويتها ومانجحت
الحمدلله على كل شي كله خيره من رب العالمين
السبب الي قالي لاتسويها انه فيه بصدري حليب وعندي تضخم في الغده النخاميه وطبعن العلم عند الله ليش مانجحت انتي شو السبب الي خلج تلجئين لتلقيح عسب اعرف شو اقولج
بس التلقيح بشكل عام هو الكلوميد المنشط والابر الي قالت عليها الدكتور واول واخر شي يعتمد ع جوده الحيامن
وجوده المبايض عندج ومدى استجابتها لتنشيط
وعسى ربي يرزقج ويرزقني وكل متاخره يارب
هلا بزوجي غلا روحي مشكوره على الرد
المشكله ان الحيامن حركتهن ضعيفه جدا ومن ناحيتي اوك والدكتوره قالت بسويلج التلقيح وما ادري بتنج ول لا
حلو بس نصيحتي قبل لاتسوي التلقيح خلي ريلج ياخذ هلادويه وهي فتيمنات بتسرع حركه الحيامن
وان شاء الله التلقيح بيكون نسبه نجاحه اكثر
والفيتامينات ذي تنشيط للحيامن مامنها ضرر بس انتي متى ناويه تسوي التلقيح يعني هالشهر اذا هالشهر خلي ريلج يبدأ ياخذها من الحين
بكتبلج اسم الفتمينات
وان شاء الله تحملي يارب
(royal jelly_1500mg) وياخذ منه حبه كل يوم
الثانيه(e-400 with selenium_50mcg)ياخذ بعد حبه
الثالثه(L-CARNITINE)وهذا ياخذ بعد حبه وحده بس
هو المروفض ياخذه كورس كامل يعني مده 3 شهور انا ريلي كان عنده العدد 12 مليون والحركه ضعيفه
عقب 3 شهور صار عنده العدد 50 مليون ماشاء الله والحركه صارت زينه
وينفع لكل الاجسام يعني ماهو هرمونات منشط عام وخاصه للحيامن وان شاء الله تحملي
وفيه دواءاسمه البروكسيد هذا بعد ممتاز للحركه وفيه الشفا ان شاء الله