السلام عليكم
خواتي حبيت أسألكم عن التقشير مب الكيميائي أو الكريستال أقصد التقشير العادي
لأني خذيت موعد في عيادة كايا لأنه بشرتي قالي الدكتور بعد الفحص بحاجة لتقشير لأنها جافة وفيها وايد بثور وتصبغات
فما أدري شو رايكم وهل راح أستفيد ولا لأ
علما بأن كورس العلاج يتضمن 4 جلسات بـ 2150 درهم
ففي حد ينصحني إني اواصل ولا شو رايكم أتمنى إذا حد جرب العلاج يخبرني
والله يجزيكن الخير
المشاركة الأصلية كتبت بواسطة الوورد 
هلا اختي الغاليه .. ربيعتي سوت عندهم ليزر عشر جلسات وما استفادت شئ وهذا والله اعلم حبيت اخبرج بس .. اختي اذا بشرتج مب معدومه انا نصيحتي لج لا تسووووووين تقشير .. اختي الغاليه انا سويت تقشير من ثلاث سنين وبصراحه ندمت اشد الندم على هالشئ .. توسعن مسام ويهي وتشوه ويهي وبعد معاناه رجع ويهي احسن عن قبل بالعنايه بالكريمات والماسكات الطبيعيه والماي البارد والترطيب بالكريمات المرطبه الطبيه .. اختي هالعيادات ادور على الربح وبتلعب بويهج خصوصا لو ما عندهم ضمير .. .. اختي اذا عمرج صغير ما بين 19-29 لا تسوين تقشير اصبري على ويهج وحاولي انج اتسوين ماسكات الروب وماء الورد والنشا والخيار وبتشوفين الفرق بأذن الله .. والله يوفقج صلي استخاره قبل ما تسوين التقشير ..
وانا بعد اختي سوت عندهم بس فرعنا اللي ف الفجيرة…دمــــــــــــــااااار ما بقول غير حسبي الله عليهم .. ماديين جداا.. وغير ان اذا بتسوين تقشير لازم كل مرة تسوي …
والله يا خواتي ما شجعتني مول وأنا بصراحة خاطري أسويه لأنهم عطوني راحة بعد الاستشارة وخاصة البشرة قالوا بيروح منها الخلايا الميتة وبتصير أكثر نضارة وخاصة لأني عندي التهاب بالحيوب اللي تطلع بالويه
فوالله مب عارفة شو أسوي احس ويهي مخترب
والمقشر قالي الدكتور عبارة عن احماض الفواكه مش كيميائي
أشكر البنات إللي ردن على الموضوع والله يجزيكن كل الخير على النصيحة
وإللي بعد عنده تجارب ياليت يفيدني
للرفع
السلام عليكم ورحمة الله وبركاته
اختي الغاليه بالنسبه للتقشير ف البيت ما عليج الا انج تاخذين عصير ليمون بدون اضافة اي شي وتاخذين قطنه وتفركيها ع ويهج لمدة خمس دقايق وعقب تمسحين ويهج بمكعبات ثلج الماي الورد
جربي هاي الطريقه لمدة اسبوع وان شاء الله تستفيدين منه
شكرا أم سعود على الطريقة بس في وجوه ترا الليمون ما ينفعها يمكن يضرها
بعدني بانتظار تجارب البنات في تقشير حمض الفواكه في كايا
للرفع