سؤالي هو هل هالتطعيم ضروري لان اللي افكر فيه ان دام نحنا ما خذناه ولا كانوا اليهال ياخذونه من سنه وسنتين والحمدالله كلنا بصحه وعافيه فليش استوى ضروري الحين؟؟؟؟
وبعدين في نقطه ثانيه انا الصراحه وايد اسمع عن مرض التوحد والكل يقول ما يعرفون شو السبب بالضبط بس اللي منتشر انه سببه التطعيمات وحتى الحين قاموا حد من الاهل فالدول المتقدمه ما يطعمون اطفالهم ابدا خوفا من الاثار المستقبليه…
يستوي اطلب من الدكتور ان يلغيه عن ولدي يعني ابغي اعرف من حقي هالشي وله وله شي اجباري فالدوله؟؟؟ واذا ولدي خذ الجرعه الاولى عادي ما ياخذ الجرعه الثانيه؟؟؟
واخر سؤال وبليز فيدوني لان ماخره تطعيم ولدي لين اعرف كل شي وارتاح.. يستوي اخليهم يدمجون كل التطعيمات في ابره وحده لان اخر مره عطوا ولدي ثلاث ابر والله ووايد عورني قلبي عليه ومن عقبها كل ما احطه عالشبريه يمووت من الصياح حسيته تعقد… اخاف يقولولي ما يستوي نخلط التطعيمات بس انا سمعت ان في مراكز عادي يدمجون وما اعرف هل هالكلام صحيح وله
بلييييييييييييييز ساعدوني وبسرعه
للرفع
ان شاء الله الي يعرف يفيدج
اتصلي عيادة الدكتور سعيد العمودي وبيفيدج احسن تسال دكتور
المشاركة الأصلية كتبت بواسطة هنهون 
مشكووره الغاليه
الغالية بالعكس هالتطعيم واااااااااااااااااايد زين ومهم ومفروض يكون بوزارة الصحة من زمان
عيادات بوظبي والعين بدوا قبل الوزارة بفتره ف إعطاء هالتطعيم
وترا هالتطعيم عالمي وأغلب الدول المتقدمة شرات أمريكا يعطونه عيالهم
للأسف ع أيام بنتي ما كان هالتطعيم من ظمن تطاعيم الوزراة 
وترا هالتطعيم مب مرتبط بالتوحد … فيه تطعيم اسمه ال MMR اللي يعطونه بعمر السنة هو اللي كانوا يعتقدون انه له علاقة بالتوحد بس ما فيه دراسات أثبتت هالشي …
وما يصير تعطين التطاعيم كلها ف إبره وحدة … لأن كل تطعيم يختلف عن الثاني وما يستوي يندمجون مع بعض
حتى أصلا كل تطعيم يحطونه ف مكان غير عن الثاني
نصيحتي لج لازم تعطين ولدج هالتطعيم
مشكووووره حبيبتي على هالمعلومات وان شالله انا ناويه باجر اوديه وبتوكل على الله
كيف ما يستوي يدمجون انا بنتي يوم كملت سنه و نص رحت عيادة الهنداوي و عطاها الدكتور ثلاث تطعيمات بأبرة وحدة!!!
خليتوني اشك ><