الاستغفار سورة البقرة بنية الزواج

السلام عليكم ورحمة الله وبركاته
انا اليوم حبيت اطرح موضوع الاستغفار الخ يعني الالتزام بنية الزواج، وايد لاحظت سواء هنيه بالمنتدى ولا مدونة ثانية انه البنت بس تبا تعرس خلاص شدت حيلها استغفار قران قيام الليل بنية الزواج، انا ما أعمم بس أتكلم عن فئة من البنات والله يا بنات ها الشي غلط. كل وحده فينا الله كاتب لها قبل لا تطلع على الدنيا نصيبها من رزق زواج الخ والمفروض الالتزام الديني من استغفار تسبيح قران قيام الليل صيام الخميس والاثنين الصلاة على الرسول صلى عليه وسلم الخ لازم يكون جدول يومي لكل مسلمة لاجل الحصول على رضا الله في الدنيا والاخرة مب أشد حيلي عشان ريال واول ما تنخطب خلاص حدها الفرائض؟! النية النية النية يعني سوي اللي الله طالبنه منج بنية رضاء سبحان الله العالمين وهو بيجازيج دنيا واخرها سواء زواج رزق الخ يعني الله يعلم بكل شي في قلبج ويعلم شكثر تبين الزواج اخلصي في طاعتج ادعي واكيد بيعطيج اكثر من اللي اتمنينه في حياتج.
وشي ثاني اللي تدعي وشاده حيلها انه الله يرزقها شخص معين يمكن الله رايد لج احسن واحسن واحسن عنه بمليون مره بس بدعائج باذن تغير قدرج لا تستعيلين على رزقج الله له حكمة في كل شي ما اخر زواجج الا لانه خيره حقج احسني الظن بالله والله بيرزقج على قد نيتج وظنج به.
اذا بتكلم عن نفسي مب معرسه الحمدلله ملتزمة لانه واجب علي وانه الدنيا فانية رحله للاخره التزامي وقيامي بواجبي الديني لاخرتي مب عشان اشياء دنيوية ما بدوم ادعي الله يرزقني الزوج الصالح ونتأكده انه الله بيستجيب دعائي يعني ادعوا الله اتقربن منه وانتو متأكدات انه بيرزقكن.

بارك الله فيك يا اختي

عاجلا غير اجل انشالله

تسلمي على الموضوووووع

صح كلامج والله اغلبية بنات يقرون قران بنية زواج بس الله يهديهم

الحمدلله

فديتج زين ما طرحتي

والله بيرزقكم يا رب