السلام عليكم ورحمه الله وبركاته
خواتي حبيباتي انا فتحت هذي الصفحه عشان اساعدكم الي عندها اي طبخه وتبي تعرف مقاديرها وطريقتها تكتبلي اسمها وانا راح اجيبلها اياه باسرع وقت وبجيبلها بعد عده طرق وانا بالخدمه
يالله بسم الله نبدي
حبيبتي بغيت طريقة محشي ورق عنب مضبوطة
والله يايه اكتب عن ورق العنب والملفووف
سبقتيني ؛ نتري الطريقه ويعطيج العافيه
موضوعك حلو بقيت الازانيا بس ممكن تبينين لنا اي نوع يحتاج سلق و النوع الي ما يحتاج سلق قصدي من الازانيا
ابي طريقة البراونيز وطريقة البسبوسه مضبوطه ومشكوره الغلا
عندي خليط كيك باوند من العلالـي
اريد فكـرى يوم اسوي الكيك يعني مثل اضيف كافي و مكسرات .. وطريقة تقدم وجيء
اريد شيء حلووو
مشكوووووووووووووووورة فديتـج
المشاركة الأصلية كتبت بواسطة علمتني الحياه 
حبيبتي هذا طلبك انتي ماحددتيلي تبين ورق عنب يلانجي بزيت وله بتمر الهندي علي العموم انا راح اكتبلك الاثنين
الطريقه الاولي وهي طريقتي طبعا :
المقادير:
برطمان ورق عنب
كاستين أرز أسترالي ( صنوايت ) .
حبتين كبار طماطم بندوره
حبه كبار بصل مفروم
حزمة بقدونس . تقدرين تقولين مقدار اربع قبضات .
نعناع ناشف . قبضه وحده .
وروح اليمون
كأس عصير ليمون .
كأس زيت زيتون
من أربع الى خمس فصوص ثوم أو حسب الرغبه .
ملعقة طعام صلصة طماطم .
مكعب ماجي ( مرقة دجاج)
ملعقة وسط ماجي ابيض (اجينموتو)
ملعقة صغيره فلفل أبيض .
ملح .
ماء للسلق .
وبطاطس .
الطريقه :
ـ اغسلي الخضار وصفيه من الماء .
ـ أغسلي الارز
ـ حشوة اليالنجي شبيهه لحد كبير بالتبوله بس بدل البرغل نضيف الرز . لذلك افرمي الخضار ناعم ، شخصيا افضل اقطعهم بالسكين ماحبذ استخدم المكينه .
احمس البصل والثوم بشوي زيت زيتون بعدين اضع عليه الخضار والبهارات واطفي النار واضيف الرز المنقوع بماء حار
واضيف الصلصه و روح الليمون
.
ـ نحضر قدر كبير نسبيا ، ونرص شرائح البطاطس عشان مايحترق القاع .
ـ الحين ناخذ ورق العنب نغسله ونشيل السيقان ( الروس ) .
ولما تلفون الورق ركزوا لازم تحطون الحشوه بالجهه الخشنه اللي عروقها بارزه ، لانك لو لفيتيها بالعكس بيطلع الورق لونه مو حلو والعروق واضحه فيه غير انه بيكون خشن .
بالنسبه لطريقة اللف . يبيلها شوية شد مو تشدينه بقوه ولا ماراح ينفش الرز براحته وحيتكتل .
حطي الحشوه .
على فكره الحشوه مليانه سوائل ( زيت – ليمون ) فأفضل اني اصفي جزء منها بالمصفاه عشان ماتعب اثناء اللف ويقعد يقوطر لي .
من ثم لفي الجنبين .
الحين شدي شوي وانت تلفين . والترتيب باللف كفيل انه مايخلي شكله يخرب اثناء الغلي .
ونرصها بالقدر .
واستمري باللف لين تخلصين .
وهذا القدر بعد ماخلصت اللف خليهم مرصوصين جنب بعض .
صبي الزيت وباقي الليمون ، وأيضا ماتبقى من ماء الحشوه صفيه وحطيه
نجي للخلطه السريه .
دقي الثوم و
ذوبي الصلصه ومرقة الدجاج واضيفيهم للقدر وإذا احتاج ملح اضيفي شوية ملح .
إضغطي القدر بصحن سيراميك او اي شغله ثقيله . واضيفي الماء لين يغمره
وخليه لين يغلي ، اول مايغلي هدي النار عالآخر ، وخليه ساعه بالتمام.
بعد ماينضج احب اخليه يبرد اربع ساعات او خمس بعدين اقلبه ، بصحن . واصفه بوعاء بايركس او اي صحن بغطى .
بعدين آخذ الماء اللي بقى واصفيه وارجع اصبه في ورق العنب عشان يحتفظ بطراوته ولونه الزاهي بالثلاجه لحين التقديم .,
شوفوا شلون لون الصوص وسمكه لازم مايكون مثل الماء ، تحسيننه مثل الرُب و الصوص ثقيل ومدهن .
غطيه واحتفظي فيه بالثلاجه ، وعاد مو تقدمينه بهالشكل شكله مو حلو ، رصيه بصحن التقديم زينيه بشرحات الليمون . وعادي يقعد بالثلاجه أسبوع طالما راعيتي النظافه .
ويقدم بارداًوبالعافيه
الطريقه الثانيه
مقاديري تقريبيه .
ورق عنب اسستخدم كل العلبه . افضل نوع بالنسبالي العلالي ورقه متوسط وناعم ، جربت انواع كثير مارتحت غير للعلالي .
كاستين أرز أسترالي ( صنوايت ) .
حبتين كبار طماطم بندوره
حبتين كبار بصل .
حزمة بقدونس . تقدرين تقولين مقدار اربع قبضات .
ربع حزمة نعناع . قبضه وحده .
شوية شبنت( اختياري ) . مايقارب ربع الحزمه .
كأس عصير ليمون .
كأس زيت زيتون عصره أولى .
من أربع الى خمس فصوص ثوم أو حسب الرغبه .
ملعقة طعام صلصة طماطم .
مكعب ماجي ( مرقة دجاج)
ورق نعناع مجفف او مفروم طازج تقريبا ملعقه طعام .
ملعقة صغيره بهار حلو .
ملعقة صغيره فلفل أبيض .
ملعقه صغيره قرفه .
ملح .
ماء للسلق .
طماطم وبطاطس .
الطريقه :
ـ اغسلي الخضار وصفيه من الماء .
ـ أغسلي الارز
ـ حشوة اليالنجي شبيهه لحد كبير بالتبوله بس بدل البرغل نضيف الرز . لذلك افرمي الخضار ناعم ، شخصيا افضل اقطعهم بالسكين ماحبذ استخدم المكينه .
ـ صفي الرز من الماء زين واضيفيه للخضار . مو ضروري نقع الارز بس أفضل انقعه .
ـ حطي البهارات والملح . ونصف كمية زيت الزيتون ونصف كمية الليمون . والنصف الثاني خليه للسلق .
بالنسبالي الافضل ان مقدار الحشوه تكون ثلث رز مقابل ثلثين خضار .
ـ نحضر قدر كبير نسبيا ، ونرص شرائح البطاطس وفوقه شرائح الطماطم . عشان مايحترق القاع .
ـ الحين ناخذ ورق العنب نغسله ونشيل السيقان ( الروس ) .
ولما تلفون الورق ركزوا لازم تحطون الحشوه بالجهه الخشنه اللي عروقها بارزه ، لانك لو لفيتيها بالعكس بيطلع الورق لونه مو حلو والعروق واضحه فيه غير انه بيكون خشن .
بالنسبه لطريقة اللف . يبيلها شوية شد مو تشدينه بقوه ولا ماراح ينفش الرز براحته وحيتكتل .
حطي الحشوه .
على فكره الحشوه مليانه سوائل ( زيت – ليمون ) فأفضل اني اصفي جزء منها بالمصفاه عشان ماتعب اثناء اللف ويقعد يقوطر لي .
من ثم لفي الجنبين .
الحين شدي شوي وانت تلفين . والترتيب باللف كفيل انه مايخلي شكله يخرب اثناء الغلي .
ونرصها بالقدر .
واستمري باللف لين تخلصين .
وهذا القدر بعد ماخلصت اللف خليهم مرصوصين جنب بعض .
صبي الزيت وباقي الليمون ، وأيضا ماتبقى من ماء الحشوه صفيه وحطيه
نجي للخلطه السريه .
دقي الثوم مع ورق النعناع المجفف او المفروم ( ناعم) ، مهم تحطين نعناع ماتتصورين قد ايش يعطي نكهه مميزه غير كذا يشيل ريحة الثوم القويه .
ذوبي الصلصه ومرقة الدجاج واضيفيهم للقدر وإذا احتاج ملح اضيفي شوية ملح .
إضغطي القدر بصحن سيراميك او اي شغله ثقيله . واضيفي الماء لين يغمره بهالشكل .
وخليه لين يغلي ، اول مايغلي هدي النار عالآخر ، وخليه ساعه بالتمام.
بعد ماينضج احب اخليه يبرد اربع ساعات او خمس بعدين اقلبه ، بصحن . واصفه بوعاء بايركس او اي صحن بغطى .
بعدين آخذ الماء اللي بقى واصفيه وارجع اصبه في ورق العنب عشان يحتفظ بطراوته ولونه الزاهي بالثلاجه لحين التقديم .,
شوفوا شلون لون الصوص وسمكه لازم مايكون مثل الماء ، تحسيننه مثل الرُب و الصوص ثقيل ومدهن .
غطيه واحتفظي فيه بالثلاجه ، وعاد مو تقدمينه بهالشكل شكله مو حلو ، رصيه بصحن التقديم زينيه بشرحات الليمون . وعادي يقعد بالثلاجه أسبوع طالما راعيتي النظافه .
ويقدم بارداً
ملاحظه:
البعض يحب يضيف سماق او دبس رمان للحشوه ، شخصيا مافضله مايعجبني يكون ورق العنب محمر . بس اللي يحب يضيفله راح يعطي نكهه مميزه .
وصحه وعافيه .