انا متزوجة من 3 سنين ريلي انسان ف نظر الناس نشمي والكل يمدح فيه
مشكلتي انه يجامل الناس على حساب نفسي وبخاصة اخته العيوز اللي عندها 8 عيال لكن محد يهتم فيها كثر ريلي
ع العموم انا بقولكم كيف نظام حياته وانتوا احكموا
يقوم من الصبح يروح يسلم عليها ويرد العصر يآخذها وياه المزرعة وعقب العشا يرجع ييلس وياها عشان ما تتملل وييني نص الليل
ويخاف اذا ماراح عندها تتصل قيه وتلومه وتقول له غيرت الحرمة علينا
والله ولا يشوف عياله ولا يهتم فيهم ويروح عند اهله وربعه كله بحجة انه يخاف يقولون له (تغيرت علينا)
والمشكلة الثانية منعني من السواقة يخاف ن كلام الناس يقولون فلانة حرمة فلان طلعت ودخلت وتسوق
تفكير جاهلي يعني ما يخليني اسوق واقضي اموري ولا يتفرغ لي يوديني
وخاصة انه دوامه في حقول البترول يروح 6 ايام ويي 3 ايام
المشكلة الاخيرة ما يحترمني يعني كلامه صراخ واوامر ةاذا شافني اضرب ولدي يتم يسب ويلعن
وانا اعتبر هذا اهانة وما ارضى بالاهانة
ع العموم انا مب مرتاحة وياه ابدا وما احس اني احبه تصرفاته تكرهني فيه يوم عن يوم
قولولي شو اسوي
اطلق او لا؟
استغفري الله اول شي
و اخر شي اذكري حسنه وحده بس فيه و اشكري الله عليها
ادري صعب اوصل لشعورج بس انتي بجنه غيرج يتمناها لا تضيعينها و تندمين
اخته وجودها فتره و بتعدي لان هي بعد بتلهى عنه و هو مسؤولياته بتكبر و تبعده عن الجميع فهذي مرحله تحمليها
الله يعينج بس لا تفكري بالطلاق بهالسهولة
اقعدي معاه و تكلمي معاه بهدوء
و قولي له انه مثل ما الناس لهم حق عليه
حتى انتي زوجته لج حق عليه…
لا…………….
كلميه حسسيه انج محتاجتله وايد و مفتقده وجوده
سويله اجواء رومانسية اتشجعه ان يقعد عندج……………سمعيه كلام حلو……..
الله يعينج اختي ..
فكري فـ عيالج قبل كل شي 
امممممممممممم من مواصفات ريلج شكله بدوي لان اغلب البدو يحبون اهلهم وايد ومن الدوام للمزرعه والحرمة ممنوع تسوق….المهم عادي فديتج كل ريال فيه عيب….ليش ما تسيرين وياه بيت اخته؟ او انتي تعزمينهم احيانآ او انكم تسيرون المزرعه كع بعض او تسكنون مع بعض….
انته تعرفين كيف الحياه عقب الطلاق …..؟