طبعا موضوعي مب يديد … وايد منكن تعرضن حق هالمواقف بس مشكلتنا انا ما نرمس الجهات المسؤوله…. واسهل حل عندنا انا نروح مستشفيات خاصه عشان نريح روسنا……… بس حبايبي ابا اذكركن هذا المستشفى مسواي النا نحن المواطنات خص نص بس المعامله السيئه الي نتعرضلها نودر حق من حقوقنا ليش ما نرمس ونشتكي ….. عني انشالله من باجر ما بخلي مسؤول ولا جهات عليا ما بشتكي عندهم …… وما برتاح لين مايشوفولنا حل مع الاستاف الي من عشر سنين وما يبن يغيرن معاملتهن……. واتمنى اتأيدني في هذا الموضوع …. انا مشكلتي اليوم مع قسم الطوارئ الي ابدا ما يتسمى طوارئ …. والي لازم نتريا النيرسات يخلصن سوالفن والدكاتره كذالك ويوم يتفيجن يشوفن المرضى وبين كل مريض والثاني ساعه لي ساعتين … ويتمططن يتحرن المستشفى ماروث هلهن ولا شي جهه اتحاسبهن …. 
….
نتريااا حريم بوظبي يدشن
للررررفع
ممم..
مدري والله ..من تجاربي السابقة المستشفى اوكيه..
والطواري عمري ما استفدت منه…لانه معروف انه الطواري يجدمون الحالات الشديدة الطارئة…يعني..انتي وحظج لو تتيين من ساعتين او اكثر و يت حالة اخطر منج بيجدمونها عليج…
كنت دوم اقول ليش ما يخلون دكتورتين للحالات الحرجة…و ثنتين للبسيطة…
ماشي اسلوب ومعاملتهم زفته وكل وحده شايفه عمرها
وينكن بنات بوظبي وخاصه الي محولات حق مستشفيات خاصه ( النور بالتحديد ) حبايبي نبا مشاركات اكثر
والله انا تجاربي بعد زفته في مستشفى الكورنيش انتي وجهيني كيف نشتكي؟ او لمنو؟ وشو الوسيلة (رسالة – اتصال-شخصي)
كلامج صحيح الغاليه وايد باردين ما فيه اهتمام ….. لازم شوي ترفعين صوتج عليهن علشان يتحركن ……… بس اذا قعدتي هاديه تترين دورج ولاحد بيعبرج…….وتستغربين من قسم الطوارئ بكل برود حتى لو كانت حاله ولاده ما يتحركن شوفي الدكتوره شوه بتقول اول ……. بس الشي الي لازم اذكره بالخير موظفات مواطنات بصراحه هن الي يشتغلن وما يقصرن مع المرضى …… يعني هن مخلصات في شغلهن……….