هلا لو سمحتوا يا خواتي اريد اعرف كيف الطفل يكتفي من الرضاعة الطبيعية وكم الوقت اللي يكفية لاني ارضع ومحتارة واهلي يقولون اعطية الحليب الصناعي
ما ادري شوووو اسوي ؟؟
انا حامل وبكر بس حيل سألت عن هالموضوع وسويت سيرج حيل بعد لني ابي ارضع طبيعي ان شالله
اول شي حبيبتي لاا تفكرين تعطينه حليب صناعي لنه بيشوف المص من الرضاعه اسهل والحليب الصناعي طعمه احلى من حليب الام وعقب ما بيرضع اربيعتي صار فيها جي واختي بعد…
اما كيف تعرفين انه البيبي شبع ولا لاا ما عندي فكره بس حبيت اقول لج هالمعلومه انه كل ما رضعتي اكثر بيزيد حليبج اكثر خاصة بالليل لو رضعتي اخر الليل راح يزيد كمية الحليب الي عندج اتمنى اكون افدتج^^
حبيبتي افضله اترضعينه من صدرج على الاقل لين اول 6 شهور.. انتي ما قلتي كم عمره الياهل..؟
انتي تمي رضعيه و يوم بسه بروحه بيودره.. او ممكن اينام و يتعب و يوقف بروحه.. حد من اليهال ايكون بطئ يرضع شوي و ينام شوي.. المهم لو توّج مربيه واتحسين الحليب ما يرضعه كله وايتم مظايقنج شفطيه وحطيله ف رضاعه وحطيه ف الثلاجه.. ممكن تستخدمينه فلليل.. عساس يشبع بسرعه وينام بدون ما ايتعبج..
يزاكم الله خير
انا رضعت عيالي بنتي وولدي…طبيعي..وصدقيني بعدين علميه ع الصناعي اولا الفايده لج انتي لأن الرحم بعد الولاده
يرد مثل ماكان بواسطة الرضاعه وبعدين يساعد جسمج على النحافه ويرده للوزنه الطبيعي..اما للبيبي اكيد بيستفيد
من الفتامينات والكالسيوم والحديد..اما كم الوقت كل ساعتين رضعيه من كل صدر ربع ساعه..عسب يقوى ويكبر..
حتى لو مايبي انتي خذي البيبي ورضعيه..وبعد مايكمل على الاقل ستة اشهر عطيه الصناعي…
وقتها بيكون جسمه صار قوي ..ومرتاح…اتمنى اني افدتج الغاليه والله يسعدكم..^_^
للرفع
انا بعد محتاره مع بنتي
up up up up