اخاف على ولدي من الخدامه

مشكلتي أني يبت بشكاره اثيوبيه على أساس عمرها 28 يوم وصلت طلع عمرها 18 سنه ، من بداية ما عجبتني لأَنِّي شفتها عايزه وموب نظيفه وما أطيق اليهال وايد أشاء فيها ما حبيتها. قلت لريلي برجعها المكتب رفض قال لي ما بيب لج بشكاره تمى اشتغلي بالبيت تراه انا ما عندي بيزات لانه قاعدين نبني بيتنا وانا ما اشتغل. المهم خلصت مدة ضمان 3 شهور ورمضان جرب.
اليوم وقت الغداء جفت البشكاره الاثيوبيه تبتسم لولدي الي عمره 14 سنه وايد اتضايقت. عاده انا روحي موب طايقتنها بس راضيه فيها لانه ريلي وعدني ايب لى بشكاره بديله في حال توفر عنده البيزات. طبعا خبرت ريلي قالي انتي راقبي البيت عدل .وانا ابدا ما أخلى البشكاره تحتك بعيالي من اكبرهم لى أصغرهم، وبعد انا من النوع الى ما اطلع من البيت الا نادر واشل عيالي معايه لانى ابدا ما اثق بالبشكاره. وما اخليها تتدخل غرفته اذا هو داخل.
المهم ريلي قال هذا دورج الحين ، موب عارفه كيف اتصرف ؟ خايفه تخرب ولدي.
ساعدوني خواتي حاسه بضيق ؟

تمت الموافقة
رأيي الشخصي : رجعيها بدل الخوف والقلق اللي عايشته

رجعيها و عيشي حياتج عادي
ولو قالج ما بيب لج غيرها تمي اشتغلي في بيتج دام عيالج كبار
حبيبتي لآ تيبين الهم لج و انتي ترومين تقضين عليه

رجعيها احسن .. وييبي لج وحده بالساعات ..حاولي تخلصين اللي تقدرين عليه والباقي استعيني بخدامه

الله يسر امورج اختي..الخدامات هم كبييير

كان ممكن ترجعينها ويستبدلونها لج بدون ما تخسرين لأن كان عندج نقطة قوة وضيعتيها يوم خربتي على عمرج بانج تحاتين ظروف ريلج

على فكرة أهم نقطة في البشاكير الاستخارة .. قبل لا تسوين اوراقها تستخيرين .. وايد ناس يتعايزون وياكلون تبن عقب

الاثيوبيات اكثرهن ماعندهن هالوصاخه
خدامه امي صغيره وكملت اربع سنين والامور طيبه

غير التنظيف علميها تسوي حق العيال فطاير لقيمات جاي كرك
كل يوم شي اشغليها وبتعوود
اما الفضاوه بتم اتشوف العيال شو يسون وشو يقولون