السلام عليكن ياخواتي اشحالكن كلن ابحاله ^_^
انا ناوية بإذن الله اسافر العمرة ثاني اسبوع من رمضان مع ماماتي وباباتي وختيه وقالولي لازم من الحينة تحجزون لانه مابنحصل حجز عقب فأنا دوم متعوده اسير فندق هيلتون أبراج مكه لانه مقابل الحرم وتحته كل شي اذا ابا مطاعم والا سوبرماركت حق الفطور بس سمعت انه في فنادق حلوه بعد مثل (دار التوحيد ) و(برج زمزم) شو رايكن شو احسن ؟؟ محتاره والله
هلا الغاليه
نصيحه مني .. خليج ع ابراج مكه .. بترتاااحين فيه والله
انا ماعرف عن دار التوحيد يقولون حلوووو .. اما ابراج زمزم .. صح انه يديد بس قالوا الغرف ماله صغار ( انا ماشفته بس هذا من كلام خالتي لانها شافته وماعيبها وسكنت فالابراج )
وشوفي راي البنات
التوحيد حلو .. وراقي … وزمزم يديد ما اعرف عنه بس هو 5 ستار … المهم قريب … تراه حق النوم بس وباقي الوقت في الحرم .. الله يكتب لكم ولنا عمرة ….
والله مااعرف اختي انا عن ها السوالف
اختي حنا بغينا نمشي هاذ الصيف بس يمكن مافيه حجوزات
الله ييسر لك ولنا جميعا وماتنسين تدعين لنا
السلام عليكم ورحمة الله
اختي انا امس راده من العمره
وكنت في الابراج
سار اخوي يحجز لعمره رمضان ثاني اسبوع من رمضان ما لقى حجز ابدا
قاله اذا تبغي اول 3 ايام من رمضان بس
الله ييسر امرج اختي
دار التوحيد ممتاز بس اغلى بوايد في رمضان يستوي