السلام عليكم اخواتي الطالبات ..
هذا اول موضوع لي بالمنتدى و مستبشرة فيكم خير
سأبدأ الدراسة بجامعة دبي في شهر اغسطس (ادارة اعمال موارد بشرية) و دراستي بعد انقطاع 10 سنوات من الدراسة ….. بعد الثانوية … الدراسة مسائية لاني موظفة
إذا في منكم اي حد درس بهالجامعة و قدم امتحان math placment test أو sat ارجو انها تفيدني لاني ما عندي ادنى فكرة عن الموضوع و انا و الرياضيات طول عمرنا ضراير !!!!
ارجوكم فهموني شو السالفة بلاس ادخل الامتحان زي الاطرش بالزفة !!!!
في انتظار ردودكم يا سيدات الامارات و آنساتها …
اختكم
ام حامد
ما ادري والله
للرفع
بقولج عن السات
شي السات 1 واللي هو reasoning test
السات 2 واللي هو تختارين المواد اللي تبين تمتحنينهم
عني انا سويت السات 1
سويته مرتين هالسنه
مره في شهر 1 ومره ثانيه في شهر 5
هو عن الانجليزي ورياضيات
الرياضيات
هو عن رياضيات الاساسي اللي كنتي تاخذينه في المدرسة
عاد انتي وحظج كيف بتيلج الاسئله
الاسئله اتيي متنوعة عن كل شي
شي اسئلة فيها اختيارات
وشي اسئله مافيها اختيارات يبالها تركيز كلي
وشي اسئله اللي هي grid-in وهذا بقوله الصراحه فيه ماشي علامات عليه واذا سويتيه بينسحب (نفس ماقالتلنا المعلمة اللي كانت عايشة في أمريكا وهي وحده منهم اللي اتسوي الامتحان)
واي غلطة اتسوينها ينقصون تقريبا 4 علامات
واذا حليتي تقريبا 12 – 15 اسئله بتيبين 400 وفوق انشالله
ونسبة النجاح 400
اما الانكليزي
هو الـbasic
ونسبة النجاح 400
المجموع الكلي لمادتين 1800
ترا الامتحان مره ايكون السهل ومره يكون صعب والمره الثالثة تكون سهل
وهذا اقدر افيدج اياها
السموحه
عزيزتي لازم تحلين 13 سؤال صح
وحاولي تركزين على الاسئلة الي تعرفين تجاوبين
الاسئلة كلها عامة
وبالانجليزي لا تخافين
حتى لو ما نجحتي راح تدرسين بريماث لكن ما ينحسب في الجي بي اي