أمهات أنا عندي مشكله أشووفها صعبه واايد

السلام عليكم و رحمة الله و بركاته
أمهات أنا عندي مشكله أشووفها صعبه واايد,,, أنا ولدي الله يخليه و يبارك فيه و يعقله انشالله عمره أربع سنوات و خمس شهوور,, هو دايم يصرخ و بذات اذا رحنى لمكان,, مثل السوق أنا و ربيعاتي ييلس يصرخ و يقول كلام عيب و يسوي حركات خايسه,, على فكره نحن في فرنسا و هو يدرس في روضه فرنسيه ,, وكم مره أقووله يا زايد هذا عييب ولالا يستوي ,مع ان محد في البيت معاه الا أخته وهي حبيبتي الله يخالييها هاديه ماشالله عليها عكسه وهي أصغر عنه,, وأنا ولا أبووه ما نرمس كلام عييب ولا نسوي حركات جدامه,, والله اليوم سرت المول أنا و ربيعتي و لاعبناهم قلنا عيد و بنفرحهم يوم خلصناه قلت بسير أشووف العطور اليديده الي نازله و يلس يركض في المحل ,, و خاطر الي في المحل يقوولون طلعوا برع,,عقب قعد يصيح,, و أنا أقووله زايد شووه فيك,, أونه ليش ما تشتريلي عطر مال أولاد و الفرنسيين يشووفون يا ريت يصيح شوي و يسكت لالا يطول و يبا يطلع من المول,,, ويصيح على اتفه شيء ,,نصحناه و ضربناه و حبسناه و دلعناه ماشيء فاايده موول,,,,,,, والله أني عيزت و الله أني عيزت من الخاطر وعيز أبووه معاه,, والله أني مره تميت أصرخ عقب طحت في الصاله و حسيت أنه اريوولي تشنجت و يديه ما قدرت أحركهن عقب قعد ريلي يقرأ عليه ,,سااااااعدوني ولالا تبخلن علي ارجووكن الله يخلي عيالكن يا رب و يبارك فييهم و الله أني عيزت هذا شويه من لالا شيء و أنا في غربه والله أني تعبانه نفسين

مشكلة الاولاد …انا افضل البنات على الاولاد ……….
يمكن متأثر من اخته يبا يجذب اهتمامكم …
ان شالله الخوات بفيدنج …ماعندي عيال :22 (5):

الله يحفظه ويخليه لج يارب ..

ام ابرار

الله يعينج …ويهديه.

وإذا طلب شي قوليله نحن ما أتفقنا على جي وخليه هو يدفع مثلا حسسيه أنه عود…لا تيأسين .والله المستعان.

الله يعيينج والله
انا بنيتيه صغيره بعدها
بس بقوولج حرمت خويه شو اسوي بعياالها

والسموحه

صح كلام ام ابرار

وصح لاتياسين

اختي سبحان الله كانج تتكلمين عن ولد ربيعتي نفس القصة البنت اصغر والولد الاكبر ووايد مزعج خاصة يوم نسير نزورها والا نطلع مع بعض ما ييلس كله يحاول يلفت الانتباه يصارخ ويتنطط من مكان لمكان والمصيبة انه يضرب الحريم آخر شي يوم سالوا الدكتور يابوله اخصائية سلوك اطفال كل يوم ساعة في البيت (هذا الكلام في لندن) اتذكر كان عقابه انه اذا حد دخل البيت وسمعت صوته اطلعه برع وما تعطيه سالفة تسكر علينا باب الصالة وهو برع يوم يسكت ادخله ويوم يصارخ تشله رع وتسكر الباب بدون ما تتكلم الله المعين