أكياس حول الغده الدرقيه

شحالكم صبايا..؟…

بنات بغيت أسألكم عن شي..

أنا عندي تضخم بالغده و قالولي ورم حميد لكن لأنها أثرت على ضربات قلبي فكنت دوم أتعالج .. يعني فحوصات و ألخ..
المهم قبل سنتين تقريبا أو يمكن أقل سويت تصوير تلفزيوني و عقب نووي و كان كل شي تمااااااااام… و عقبها وقفت ما قمت أراجعهم..

بس من فتره و عشان ضربات القلب اتلخبطت عندي رديت أسوي فحوصات.. لكن هالمره النتيجه غييييير.. كان نشاط الغده زايد و زيادة نشاطها ممكن إذا إستمر يزيد الهرمونات عندي..و السبب لأني كنت آخذ حبوب قاطع الشهيه وايد تعبت منه..
و سويت تصوير تلفزيوني.. لكن النتيجه أغرب .. قالولي ظاهره لج أكياس حوالين الغده..أكثر من كيس و بما إن الدكتوره مب إختصاصها هالسوالف خبرتني انتيجه و حولتني على دكتور تخصصي..

بنات أنا زايغه لا اتكون هالأكياس ورم ولا شي.. لأن عمتي صار لها نفس الشي بصدرها و قالولها أكياس و عقب طلع ورم خبيث و قبل كمن يوم عرفنا بالنتيجه و أنا أحاتي..

حد صار لها نفس الشي ؟…

طمنوني موعدي عقب اسبوعين أونه بعد هذا موعد مستعيل و صار لين ثلاث أسابيع أتريه.. و صراحه فيني فضول أبا أعرف شو هالأكياس؟..

سلام

المشاركة الأصلية كتبت بواسطة أم غـلا

ماعندي فكرة

الله يعافيج اختي

الله يعافي كل المسلمين ان شالله