أريد خبز الرقاق كيف طريقة

أخواتي أريد طريقة خبز الرقاق بصراحة طريقة أمي صعبة وايد يعني تستعمل العجين بس مب لينه (( لا لينه ولا غليظه )) وتخبز على طوبي كبير وحار

خبز الرقاق يعتمد نوعه انتي شو بتسوين به يعني اذا حق اكل لازم يكون رفيع ولين شوي بس اذا حق الفريد لازم يطلع يابس
العجينه مال الأكل عاديه ( طحين +ماء دافي +ملح +زيت ) بس ما تكون رفيعه وايد ولا تسخنين الماي وايد عشان كل ما كان الماي حار كل ما طلعت العخبزه يابسه
واذا تبين الخبز حق الفريد خلي العجينه شوي ارفع ودفي الماي شوي زياده عن الخبز العادي
ونصيحتي يا عيوني لا تتوقعين انج بتظبطين الخبز من اول مره ولا مرتين لازم ايدج تتعود على المخبز ( الطوبي ) عشان تظبطين الخبز
لأنه الصراحه كل ما كنتي متعوده عليه اكثر يطلع خبز الذ وينضرب فيه المثل
وان شاء الله خير واذا على لوالده لازم بتنقدج عشان ما تتخققين وايد ولا هي مستانسه

شوفي يوم اتحطين العجين على الطوبي لازم ايكون عندج خشبه خفيفه يعني ما فيها عرض بس هيه طول اامسطره الصغيره بس اعرض وفيها سمك اشوي ممكن اتخلين النجار ايقصها وبتكون العمليه سهله

المشاركة الأصلية كتبت بواسطة umsa3ed

شوفي يوم اتحطين العجين على الطوبي لازم ايكون عندج خشبه خفيفه يعني ما فيها عرض بس هيه طول اامسطره الصغيره بس اعرض وفيها سمك اشوي ممكن اتخلين النجار ايقصها وبتكون العمليه سهله

مشكووورة الغالية بس بعدني ما فهمت هالشغلة بس كيف

يعني العجينة تكون رفيعه ونمسك الخشب ونفردها على العجين

هذا سؤالي

الغاليه اخذي عجينه بكف ايدج وحطيها على الطوبي واتيبين مسطرة صغيرة مالت الهندسة او غطى الشريط الكاسيت اتبطلينه وتستخدمين الجزء اللي شرات المسكة او بايدج تفردين الطحين ع جد الطوبي بشكل دائريواللي بيزيد من الطحين اترجعينه بس كله يبي حركه سريعة عسب ما تطلع الخبزه ثجيله..بالتوفيج

المشاركة الأصلية كتبت بواسطة أم منصور5

الغاليه اخذي عجينه بكف ايدج وحطيها على الطوبي واتيبين مسطرة صغيرة مالت الهندسة او غطى الشريط الكاسيت اتبطلينه وتستخدمين الجزء اللي شرات المسكة او بايدج تفردين الطحين ع جد الطوبي بشكل دائريواللي بيزيد من الطحين اترجعينه بس كله يبي حركه سريعة عسب ما تطلع الخبزه ثجيله..بالتوفيج

تسلمين يا الغالية على المرور الطيب