هلا بنات
انا من قبل لا أحمل وجباتي قليله و مبتعده عن الفاس فود و الطلبيات من برع واكلي كله من البيت بس حتى لو عيش اكل كمن خاشوقه وازيد السلطه و الدياي أو السمج أو اللحم و قبل الأكل اكل نوع من الفواكهه ..
أكل الأكل المفيد بس بكمات صغيره وماكانت تيلي دوخه أو رعشة .. بس أحينا انا حامل في الثالث ومستمرة ع نفس الموضوع عشان ما يزيد وزني .. والي مفيد يعني لو يعت اكل فواكهه أو خضرا أو سمون اسمر مع لو فات جيز .. بس تيلي دوخه مع رجفة وما اررروووم أوقف ع ريولي … .. يمكن عشان الجو حار .. كنت اطبخ ومطبخي مافي مكيف بس كنت مشغله المروحة و مره وحده اسودت الدنيا وما أروم أوقف وتميت اصارخ تعالوا شلوني بموت هههههه وكلت الغدا و كلت سويت بس من اقوم من الكنبه درت الدوخه ..
تتوقعون من نظامي الغذائي .. بس اكل فيتمينات و فولك أسد .. واكل فواكه و سلطه مع بقدونس وطماط يوميا طاسه كامله و روب و سمون اسمر و كوكيز ع خفيف .. مادري شو سبب يالس يزيد عندي .. مع ان حملت قبل مرتين ولا مره يتني هالحالة ..
افحصي سكر الحمل
لأن الدوخة و الرجفه تستوي يوم السكري يكون نازل
و ماعليج شر ان شاء الله
مشكوره
الله يعافيج اختي
انا صارلي جي في الشهر الثالث وتم مستمر لين ما خذت حبوب الحديد
جيكي يمكن فقر دم
ما تشوفين شر ان شاء الله
راجعي عند الدكتورة على طووول يالغاليه ما اضني اكلج في اي مشكله
حتى لو كان اكلج اوكي حبيبتي اكيد مع الحر والمجهود بدوخين.
انا كانت اتيني هاي الحالة يوم اطلع اجهز اغراض البيبي وامشي وايد واتعب احس الدنيا ادور فيني وتسود واجوف نجوووم ههههه.
طبيعي احس.
بس انتي احتياط جيكي على دمج.
وماتشوفين شر.