ولم تنتهي معاناتي ؟؟؟؟؟ كرهت الحياه

بخبركن شو استوى
انا من عقب سوالفه اللي ما تخلص فكرت وخفت انه ينقل لي الامراض وقلت خلاص بتطلق
بس تراجعت عقب ما سألت عيالي شوو رايكم نروح بيت بروحنا ونعيش بروحنا كلهم خافوا وما طاعوا انه نبتعد عن يدتهم وابوهم
اتصدقون حاولت اني اطنش وقمت امثل على زوجي ؟؟؟؟ وفي قلبي كره دفين
وحاولت اضحك فويهه وفي قلبي حقد وكره ….؟؟؟؟
وحاولت وحاولت
وفالاخير فشلت
وقررت اني ابتعد عنه هو فغرفه وانا فغرفه واستمريت جيه كمن شهر…تتذكرون لما خبرت امه واجعتني وقالت لي انتي السبب ليش تفتشين على اسراره وليش؟؟؟ انت ما ملكتيه عشان تتحكمين فيه وان الريال ما يعيبه الزنا والخيانه هذا شي عادي كل الرياييل جيه ؟؟؟؟؟؟؟؟ وقلت لها انت عادي عندج اييني ايدز ولا هربز وباجر تفروني فرة الجلاب قالت لا انت خلج فغرفه وهو فغرفه وبس ربي عيالج وقري فبيتج
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
ظلمت نفسي وااااايد وسمعت كلامها قلت هي الاكبر وتفهم
احينه
يوم شافني زوجي مطنشتنه واسير عكيفي وين ما ابا وهو متحرقص ومنقهر يخاف لأخونه ؟؟؟؟ الحمدلله انا ما اخاف منه انا اخاف من ربي ومستحيييييل افكر فالخيانه
سار عند امي واشتكى مني وقال الها يا ترجع لي نفس ما كانت يا الطلاق ابرك
شو اسوي مستحيييييييييييييييييييييييييييييييييييل ارجع نفس ما كنت
كرهته
كرهت شوفته
كرهت القعده فالبيت
كرهت حياتي
كرهت الدنيا
ياربي شو اسوي
امس يبت اخويه عندي فالبيت وقلت له كل شي
ورويته صور زوجي ويا المغربيات وصور ه وصل مطرش للمغربيه كل شهر 2024 درهم يعني 4000 درهم مغربي
وعندي موبايله اللي كان فيه يراسل المغربيه وامها بعد
وكل البلاوي اللي اكتشفتهن
وضحك وقالي عادي هو من زمان جيه قبل لياخذج
جان انصدم صدمه حياتي ليش اهلي زوجوني انسان حقير زاني ؟؟؟؟؟ ويعرفون عنه كل شي
ليش انا اللي انظلم
ليش انا اللي لازم اتحمل غلطات غيري
قالي اخويه عادي يا بنت الحلال خلج عاديه ولا تطلبين الطلاق منو بيصرف عليج
منو بيفتح لج بيت
خلج عند ريلج ولاتفكرين انج تتطلقين
اه يا اخويه ما توقعت منك هالرد وجنه العيد عنده وانا منحرقه اعصابي وحالتي حاله
ياريتني ما كلمته
قلت له ارجوك لاتغصبوني ارجع له انا كرهته ارجوك
قالي انت الغلطانه كل البيوت جيه
الريال يزني عادي بس الحرمه اللي لازم تصبر على البلا هذا بلاء من الله
قلت له انا مش مجبوره اقعد مع انسان زاني حقير
قالي عشان خاطر عيالج لما يكبرون فكري فالطلاق بس اللحين لا تفكرين فهالشي
ياربي
والله كرهت اني اقوم من النوم وافكر في حياتي ابا اتم نايمه الى الابد
اه الله يعيني
انا ما بسمع كلام اخويه
وبصر على طلب الطلاق لني مش مجبوره اعيش مع انسان كرهته
يا خواتي كيف اعيش مع انسان ما يشتغل ما يصلي زاني حياته كلها زنا في زنا ما يهتم فعياله ما يهتم في حرمته
ما يعرف اعياله شو مسوين فالمدرسه
قلت لاخويه هالكلام قال عادي كل الرياييل جيه ؟؟؟؟؟
طول يومي احس الدنيا تدووووووووووووور وانا افكر فحياتي
شو اسوي