والله منهاره محتاجه دعواتكم لازم انزل الجنين. اجهضت والحمدلله

بعد ما عرضت مشكلتي مع الجنيني لأني كنت محتاجه اعرف تجاربكم ورأيكم في مشكلتي (( انزل البيبي ولا لأ؟؟؟؟ ))) وشكرا ع تفاعلكم الكبير معاي سواء في الردود أو ب رسايل الخاصه ..
http://http://forum.uaewomen.net/sho…d.php?t=447141

مشكورين ما قصرتوا في نصايحكم .. صح الأغلب قالول لي خلي الجنين .. بس بعد ما اتاكدت 100% أن الجنين ما مكتمل عنده نمو الجمجمه من 7 دكاتره وكل وحده فيهم أ كدت لي الموضوع وما في ادنى شك أن هو سليم .. والله راجعت عند دكتوره ورا دكتوره يعني أمل ورا أمل تمنيت أن وحده فيهم أتقول لي أن الجنين(((((((((( أحتمال))))))))) يعيش .
,وبعد ما قريت عن خمس حالات من خواتي في المنتدى صار لهم مثل ما صار لي بالضبط اثنين سقطوا قبل التاسع وثلاث كملوا لين التاسع وفي كل الحالات الياهل ما كمل كمن ساعه ومات وتعرفون كيف يموت بما ان ما فيه جمجمه يعني بيولد وبعد ولادته بيطع كله الي في راسه من الدماغ والمخ برع ويتعذب ويموت .. وبعد ما استشرت ربي واستخرت اكثر من ثلاث مرات ، خلاااااااااااااص قررت انزل البيبي والله يعوضني أن شاء الله، ومن ناحيه الشرع يجوز اسقاطه لأن لين الحين من دووون روووووح ولأن المشكله اكيده حتى انتي الي ما عندج خبره في تصوير الجنين ب سونار إذا احط لج صور جنيني يبين انه تقريبا ما عنده نص راس .. وانا مب مستعده اخليه تسع شهور علشان اشوفه في سكرات الموووت ويتعذب ويموت جدامي .. وتوكلت على الله ورحت يوم الثلاث وسقطت الجنين أو بالاحرى عصفورتي الصغيره .. ف حبيت أطمنكم علي أنا الحمدلله بخير ونفسيا مرتاحه……