السلام عليكم و رحمة الله و بركاته
شخباركم حبوبات
إن شاء الله مرتاحات
ما بطول عليكم بس حبيت أناقش معاكم موضوع وااااااااايد شاغل بالي و أتمنى من كل اللي عندها خبرة ما تقصر معاي
أنا حاليا في فترة النفاس و انا في بيت أهلي لكن بسبب الظروف ما بكمل الأربعين و برجع بيت ريلي بس ما أعرف كيف بيكون الوضع و كيف بتكون حياتنا مع وجود البيبي
و باختصار كيف أقضي فترة النفاس مع زوجي بكل التفاصيل؟؟؟
أترياكم حبوبات لا تخذلوني
up up up
حاولي تردين بيت اهلج ..اصعب شي النفاس .. والله لولا امي واهلي الله يطول باعمارهم ما كنت اتخيل حالتي .. الحين بس عرفت لييش بعضهن يعانين من الاكتئاب . لانه مسؤولية تحسين بها فجـــأة اقتحمت حياتج هالطفلة ولا هالطفل البرئ الي يتوقع منج تهتمين فيه فقـــــــط !
والرجال بشكل عام .. متوقعين الحرمة مثل قبل واحسن بعد . يتوقع انج بتحاتينه وبتهتمين فيه وانج خلاص مارح تشتكين من اوجاع الحمل والمواعيد ووو الخ .. لكن ,, بتتفاجئون ان فيه طفل يحتاج للعناية 
وهاي بحد ذاتها مسؤولية
انا ريلي زارني مرتين بيت اهلي ما ياه النووم .. واخرتها قال بالحرف الواحد : تمي 100 يوم مب اربعين !! الله يعينج ..
والله يعينا يا حبوبة ..
****** شكرا عالرفع
ملكة الأحاسيس ألف شكر النصيحة أنا بعدي بيت أهلي بس بروح قريب مضطرة
خواتي أنتظر نصايحكم و تجاربكم
و إن شاء الله الكل يستفيد
اختي روحي للريلج وحسسيه بابوته
وما ادري ليش الحريم بفترة النفاس لزم يقضنها كلها عند اهلهن
مرحبااااا حبووووبة ما أعرف بتستفيدي من تجربتي ولا لأ احنا عاداتنا غيييير
يعني نص الاربعين عند اهل زوجي أعماااامي ونص الأخير عند أهلي بس من نا حية زوجي
كنت احاول بقدر الامكان اني احسسه بأبوته وها فرصتج يعني لما اكون تعبانه أقوله يمسكها شوي أو
اريد انام ينومها بدالي وأهم شئ لا ترقدين فحجرة نومج أختااري مكان بعيد عسب يدورلج هههههه
وفايدتها طبعااا يزيد شوقه لج وانتي تغلي عليه شوي بالنسبة لي احلى أياااامي اياام النفاس طلباتي
كلها مجابة فديته ونص الاخير اسير عند اهلي عشان آخر الايااام اتعدل واكشخ واصير له عروووس
يديدة وسلاااااامتج الغلا
ادعولي خواتي بأن الله يرزقني واحس باحساسكم والله مشتاقه اسمع كلمه ماما
الحمدالله على كل حال