اشلونكم خواتي عساكم بخي
بما ان ريلي من الامارات وانا من لكويت فحابة اسويلة خبز محلى وبثيث بس للاسف ماعرف اسويهم واتمنى من خواتي العزيزات انهم يساعدوني ولهم الاجر والثواب
للرفع
ان شاء الله بتحصيل الطريقه ،، بنات المنتدى ما يقصرن
للللرفع
معقولة محد يعرف الطريقة من متى ناطرة ولا وحدة ردت علي
اذا تقصدي خبز الخمير فسويها نفس عجينة اللقيمات طبعا مع شوي كركم اوزعفران علشان اللون يطلع اصفر وشوي بكين بودر وانا احط بيضة وحده وتكون العجينه خفيفة مب سائلة ولا سميكة وتصبينها بالملعقة كبير على التاوة او طوبي الخبز وانا افضل الطوبي لاني اخلص بسرعة .
وبالنسبة للبثيث حمري طحين الكمية اللي تحتاجينها وحضري تمر منزوع النواه مع سمن مب زيت السمن العربي ( مادري اذا تعرفينه ؟ ) وسنوت مطحون او هيل او اللي تحبيه وعجنيهم زين مع بعض لين مايتفتت واذا احتاج طحين زيدي
والسموحة منج .وتقبلي مروري .
المشاركة الأصلية كتبت بواسطة الهوجسية 
وبالنسبة للبثيث حمري طحين الكمية اللي تحتاجينها وحضري تمر منزوع النواه مع سمن مب زيت السمن العربي ( مادري اذا تعرفينه ؟ ) وسنوت مطحون او هيل او اللي تحبيه وعجنيهم زين مع بعض لين مايتفتت واذا احتاج طحين زيدي
والسموحة منج .وتقبلي مروري .
مشكورة حبيبتي ماقصرتي وعساج ذخر