انا عندي خدامه فلبينيه جديده صار لها شهر .. مشتغله في سانغفوره وماتعرف شي عن الامارات .. تقولي الحين تبا راتبها عساس تطرش لاهلها .. فخبرتها انها تحت الضمان الحين 3 شهور وعقب بتستلم راتبها .. فأريد اسأل هل لازم اعطيها راتب هالشهر او انتظر لين ماينتهي الضمان ؟ وتبا بعد راتبها شهر بشهر .. وانا متعوده امسك راتب اي خدامه عندي شهرين مقدم عساس ضمان لي اذا شردت او شي يكون ثمن تذكرتها .. فشو رايكن خواتي .. هل تصرفي صحيح ام خطأ ؟
أنا عن نفسي عندي داااائما قانون مع بشاكيري
لها حق التصرف بنص راتبها فقط ونص الراتب يتم عندي لحالات الضرورة يعني اذا ما تبا تشتغل او طلعتلي حركات أمسكها من الايد اللي تعورها == بيزاتها !!
وما اطرش بيزاتها إلا كل ٥ شهور وإذا تبا اطرشهم شهر بشهر هي تدفع جيمة التحويل اما اذا كل ٥ شهور أنا أدفع لأن البشاكير حبيبتي يمصخونها اذا شافوج تعطينهم ويه
تلفونها نفس اشي تبا رصيد تشتري ببيزاتها أنا مب مسؤولة عن مكالماتها
لأني أول أيام كنت أعيها تلفوني ترمس فيه كانت اتيني الفاتورة آخر الشهر مال ٣٠٠ أو ٤٠٠ بس مكالماتها !! كم بيلس أدفع على سوالفها اللي مالها داعي !! وكل مرة تطلع بحجة أبا أرمس بنتي مريضة أمي تعبانة ريلي مادري بلاه
فكيت عمري من الصدعة وعطيتها تلفون ورصيدها عليها ، تصدقين قامت ما ترمس وايد شرات قبل وقامت تحاسب عالفلس!! حتى أنا تسويلي رنة عشان رصيدها ما يخلص!!!!
والله الواحد لو مب محتاج ويقدر يعتمد على نفسه ما بييبهم!! الله المستعان
رررررررررفع
ما عرف والله
اعطي الاجير أجرة قبل ان يجف عرقه؟؟
انا اشوف انج تحجزين راتب شهرين ع الاقل
ماعليه خلها تصبر
يختي نحن مافي شي قانون يحمي حقوقنـــا,,,
طبعـا لو طلبت راتبهــا هذااا من حقهـا اكيــــــد
اماا عقب 3 شهور ما ادري ما ظني بتتحمل
انا بشكارتي كنت احول لهاا كل شهر وفلوس التحوويل من فلوسهـا تنخصـم ..
بس الاولي كان معاشهـا 800 وتطرشهاا كامله مكمله بس انا اعطيها كل اول شهر بطاقه وانص شهر بطاقه
اما الحين الي عندي راتبهاا 1000 درهم انا عليه اكلها وشربهـاا وملابسها واغراضهــا الخاصه .. بس مكالماتهاا عليهـا
وحسيتها احسن من الاولي ما تكلم دوووووم يلله مره في الشهر لو طرشت البيزات ..
بس ما اعرف كيف امسك عليهاا شي او لا .. حتي لو مسكت عليهــا اكيد بتتضايق وكم امسـك ؟؟
لان راتبهـا 1000 صعبه امسكه كله . اختي تقول مسكي 500 ل 3 اشهر وخشيهاا عندج .. للاحتيااط
بس انا ما حددت للحين .. لاني ابااها تخلص فتره الضمان لان صدق احسهن بعد الضمان تطلع مشاكلهن ،،،
وبشوف .. شو السوات عقب