شحالكن بنات عساكن بخير
ان شاءالله مايطوف هالشهر الا وكلنا حوامل يااارب وبعد 9 شهور نكون كلنا مسدحات عدال بعض 
ونتضارب بيبي منو احلى خخخخخ
بنات انا ماتنزل ليه الدوره الا بدوا طبعا ومتبهدله حيل
خلال 3 شهور كانت تنزل لي بتاريخ 24 من كل شهر لاني كنت اخذ دوفستون للتثبيت اونه واخر شي تشرف الحبيبه هاي التواريخ
247
248
249
وفي شهر 10 طبعا ماخذت ادويه وقلت بريح جسمي شوي واذا مابتنزل يعل العين ماتشوفها
بس نزلت لي بتاريخ 3110<<<<في يوم الذكرى الاولى لزواجي بالليل
ومدتها 6 ايام
ونزلت لي بدون ادويه هالمره بس طبعا نزلت من تاثير الادويه من 3 شهور بعده باقي في جسمي
ويوم نزلت لي هالمره مش نفس كل مره يعني تكرمون الدم كان خفييف جدا واكثر شي نزل لي شي اسوود !!!
يوم تنزل الدوره بروحها ينزل هالاسود بس لو خذت ادويه ينزل لي دم احمر<<عيل شو ازرق
المووهيم ماعليكن امراباكن تحسبون
– لي ايام التبويض متى بتكون وكم يوم مدة دورتي من شهر 9 لين شهر 10؟؟
-ومتى لازم ابدا اخذ حبوب دوفستون مره ثانيه عسب تنزل ؟؟ <<لانه سبق وقلت لكم ماتنزل لي بروحها
لاني ناويه اخذ حبوب فيتكس ان شاءالله اذا نزلت لي المره اليايه <<ان شاءالله ماشوف رقعة ويهها 9 شهور
السموحه طولت عليكن وكتبت لكن تقرير بس علشان اوضح الحاله خخخخ
وعسى ربي يرزقنا اجمعين ياااارب ^^
يالله بالستر كاتبه الموضوع من الفير
وتوي داخله وقلت اكيد بحصل ردود تسرالخاطر
ولا حده!!!
والله ما اعرف هالسوالف
ان شاء الله البنات يفيدونج
للرفع…