مـقـتطـفات من حــفـلة زواجــي الطاووس() الغريــب تـجـدونــه هنــااا

طبعا بالبداية هاذي باقتي ولان نازل منها كرستالات كبيرة ومناظر ماقدرت اني اصورها لان هاذي الصورة الوحيدة الواضحه عندي للباقه والقهر ان مكتوب تحتها اسمي فخفت ان الاسم يظهر فعشان كذه خذتها شوي من فوق اتمنى تعجبكم

وهذا ذيل فستاني من الخلف كله ريش طاوووس معه كل ريشه كرستاله تلمع هذا غير المناظر بس الصور حارمتنا من اللمعه يلا ايش انسوي وتسريحتي عباره عن بف ويفي وبف عالي مثل شيماء علي وكنت حاطه تاج ناعم بس خط من اللمعه وطرحتي كانت حيل طويله وتحت شعري صايرة مثل المهفه من الريش

وهاذي مقدمه الفستان جسم الطاااوس وعينه وهم الكرستالات الي تشوفونهم قدااام فمه ويلتف الى الخلف والذيل يكون من الريش يعني بضبط زي الطاااوس ويوم اني ادخل العرس كنت مغطيه وجهي وجسمي كله بقطعه كلها ريش طاااوس وبس تقدم لي زوجي اهو شال القطعه عني في وسط القاعه مثل الطاوس لين يفتح جناحه

هذا عصير الهنى عقبال كل العزابيه ادري كبيير بس حركاااات هههههه

وهذا الحلا الي توزع بعرسي طبعا كانت التوزيعان في كاسات كبيرة شفافه داخلها العلك الكبير الملوون طبعا هذا خلص ماقدرت اصورة لاني بعد العرس كل يوم آكله الشي الثاني كان داخل هم احد الكاسات البلولو وهم الحلا الملون الي تشوفونه اللحين بصورة شكله مثل الحصى بس اهو حلى على كاكاو

كاس آخر كان داخله الحلا الاسود الي تشوفونه هذا عبارة عن حب شمسي مغطى بالجوكليت الكل كان عباله بلاول ان حبه خضره ههههههه بس يوم انهم كلوووه جنوووا على طعمه لانه حييييييل حلو

الحلا المغرطس هذا حلى الايسكريم جوكليت وادخله ايسكريم وفي على نكهات عده عاد انا مابقى عندي غير هنوعين على الفرواله والجوكليت وطبعا احلى شي الي ذهل الكل البستك او الفستق الغرطاس حقه لونه اخضر

وآخر شي الكاس الي تشوفونه هذا حلا الكاسات من البسكويت وتقدم فيه القهوووه وتعطى لناس يشربون القهوه وبعدين ياكلووون البسكويت الي داخله كاكو مثل ماهو واضح بصورة

وآخر شي شبكتي واهي عباره عن حوض سمك داخله احجار تلمع من اللون الاخضر الي تستخدم للأحواض الزينه وداخلها سمكه لونها ازرق والحووض يحيطه اغصووون من الشجر الى اعلى تتركب عليه الشبكه طبعا مدعم بالورد وريش الطاااوس

اتمنى عرسي عجبكم وعقباااال كل العزابيه يااااااااارب ادعولي بذريه الصالحه..ومابقى شي كلها ايام واكمل سنه من زواجي تاريخ 31-5 عقبااااال الكل