ا
خواتي الغاليات بغيت طلب منكم صغيرون واعرف انكم ما تقصرون أبي منكم كل اللي راحت تايلند معلومات عن فنادق بانكوك – شنغماي – بوكيت أي فندق سكنته ؟ وين موقعة جريب السوق ولا جريب الجبال والخضرة وجم أسعارهم ؟؟ وإذا كان نظيف عشان اللي يروح يتفيد منكم ولكم الأجر إن شاء الله نبي الفزعة 
هـــلأأ اختي ….
اذا تبين معلومات عن تايلاند
ادخلي موقع اسمه asia.room
وبتحصلين كل اللي تبينه…
ماشاء الله 16 وحدة دشت ولا رد !!!!!!!!! شكرا اختي الغد الراحل انا بغيت الوحدة تكون مجربة الفناق ون ناحية النظافة والمكان بالصور غير تسلمين ماقصرتي
حبوبه عندج فندق اماري وفندق زينت وايد اوكي اسعار حبوبه كل يوم ايغيرون
الغلا بس حابة ارفع لج الموضوع
انا بخبرج عن الفنادق الي سكنت فيها .. طبعا كل الحجوزات سويتها عن طريق النت من عدا فندقين..
* بــانــكوك
1- فندق رويال لوفري نانا ( Royal Ivory Nana ) نجمتين و سعره كان تقريبا 250 درهم غرفه لشخصين ( راعي التاكسي قص علينا ودانا اهناك عشان ياخذ عموله من عندهم) فندق مب نظيف و غالي ع الفاضي و ما في شي يسوا نصيحه لا تفكرين تسالين حتي عنه .. انا لو ببلاش ما اسكن فيه مره ثانية!!
2- فندق بيوك سكاي (Baiyoke Sky) سعره من مكتب سياحي في بانكوك ب 250 درهم ثلاث نجوم بس الصراحه اشك لانه واااايد حلو و مرتب وااااايد عيبني و خاطري اسكنه مره ثانيه سكنت في الطابق 46 و المطعم كان في الطابق 77 المنظر من فوق خبال.. الفندق بعيد عن منطقة العرب و الصراحه احسن لانه منطقة العرب و سخه و كريههز
* شنغماي
1- فندق شنغماي بلازا (Chiangmai Plaza ) اربع نجوم حجزته عن طريق النت ب 160 درهم اعتقد .. اهو حلو مرتب نظيف كل شي اوكي فيه .. عداله سوق شعبي .. بس المراكز بعيده لازم بتاكسي هذا عيبه الوحيد..
* بوكيت
1- فندق بان بو روسوت ( Baan Boa Resort) ثلاث نجوم بس انا اعطيه نجمتين سعره 100 درهم عن طريق النت .. الغرفه مب مرتبه .. الفراش كله رمل .. ما عيبتني ابدا.. موقعه عدال البحر ع طول الاسواق الشعبيه عداله بعد .. بس بوكيت كلها ما عيبتني .. طول النهار السمكات متسدحات ع الشاطي بالميوهات ( الانجليزيات) و اسماك القرش يدورون حوليهم ( الرجال) لوعت جبد..
و هذي راي و تجربتي في الفنادق بتايلند 
مرحبا اختي فندق http://bangkok.frasershospitality.com/ فندق حلو ممتاز بانكوك