السلام عليكم ورحمة الله وبركاته
ومسائكم خير
بارك الله فيكم يبت لكم خلطة معكرونة روووووووووووووووعة هي تشبه البشاميل لكن أخف وأحلى
أولا :نسلق المعكرونة كيس كامل
ثانيا : الصلصة : 3 حبات بصل نحمرها مع شوية زيت لحد مايحمر نضيف عليه فلفل أخضر رومي وبعدها نضيف له لحم مفروم كيس كامل (مسلوق من قبل لمدة عشر دقايق ) وبعدها نضيف عليه حبتين طماط مع ثوم ومجموعة بهارات (ربع ملعقة من الملح والفلفل الأسود والبزار والكركم ) ونخليه يطبخ لحد يذوب الطماط وبعدها نضيف عليه علبة معجون طماط يعني أقصد صلصة طماط المعلبة وخليه عشر دقايق وبعدها خليه يبرد شوية واخلطيه مع المكرونة وصفيها في بايركس أو صينية فرن
ثالثا : الكريمة : اخلطي 3 ملاعق مايونيز + 4 ملاعق جبن كاسات المراعي أو كرافت أو أي نوع + علبة قشطة
رابعا : افرديه على صينية المعكرونة مثل الباشميل وبعدها نثري جبن بيتزا مقدار نص كوب وأخيرا بيضة مخفوقه وزعيها على البايركس ودخليه الفرن يحمر
وهني وعافية
صدقج هالطريقة حلوة وعملية سريعة
انصحكن بها
ومشكورة يالغناة
يسلموووووو على الطريييييقه الحللللللللوه ..
وبسويهااا حق ريلي بيستاااااانس ,,,,,,,, هههههههه
يزااااح الله الف خير حبوووووبه
تسلم ايدج الغاليه
بنجربها ان شاء الله
^^
انشاء الله بجربها —-
اف شوقتينا وجوعتينا انا اموت ع المكرونه
اول ماقريت العنوان ع بالي بالباشميل :1 (84):
مشكووره ع الوصفه
يبالنا شي يديد