مرحبا طبعا مثل ماهو فالعنوان معاناه مع الطرابيش ابامنكم مساعدتي بخبرتكم كيف اخليها كانها جديده بدون ماتتشابك وتخترب وكيف اغسلها اكويها ?????وكيف اخلي كنادير ريلي والغتر تبرق خخخ يعني كانها جديده شو طرقكم فالغسيل والكوي شو تستخدمون انواع الصابون او معطرات او اي شي استخدمه مع الكوي دوامه مدني كل يوم كنادير 
افهموني عاد ماعرفت اوصف والله معااااااناه
تجااربكم وتبادل خبرات
ااااه
ذكرتيني بالي مضئ هههه
المهم
الكنادير
اذا فيهن بقع اخوذ البقع بكلوركس اتم افركه ب فرشاه اسنان خاصه لهالامور
من تخوز البقعه
احطها بالغساله مع صابون ملابس + بيرسيل للكنادير
و بعد ما تخلص غسيل اعلقهم عالحبل بمعلاق
مب اعقهم عالحبل
ف اسهل بالكوي و القطعه ماتخترب بعد
والكوي بخار وانا واقفه
و عن الفراريخ
خذي علاقه الفراريخ من دايسو
و حطي كل الفراريخ
و هاتي سطل و حطي فيه صابون و كلوركس شوي و حطي العلاقه مالت الفراريخ بحيث كل الفراريخ تتخرس بالماي
طبعاً محتاجه تثبتين العلاقه ب شي
و خليهم يتنقعون ساعتين ثلاث اربع ع كيفج
عقب رشي عليهم داوني و خسليهم بماي عادذ
و علقيهم بالشمس مع هالعلاق
و اذا انكمشو
اكويهم بالبخار بس البسي قفاز واقي عشان بتحترقين
الطرابيش ماتنغسل هذا اللي اعرفه
مشكووووره عشق ماقصرتي فديتج
1.ماي حار ف الغساله
2.انا اخلط صابون اريال+ صابون الوزير المبشور واحطه بكيس وقت الغسيل احط منه كوب
3.ربع خاشوقه الصغيره(نيل الملابس) يعطي لمعه للكنادير
4.شووووووية كلوركس
شغلي الغساله عشان يذوب الصابون خاصه انه فيه مبشور وعقب عقي الكنادير وفي كل مخبى كندوره حطي الطربوشه لان يوم تحطين كل طربوشه ف مخبى الكندوره ما يختربن أبد وينغسلن وبهالحركه بعد كل طربوشه بتعرفينها لاي كندوره
بس لا تطووووووولين ف الغسيل لان الكنادير ما يبالهن دهاج وايد ف الغسيل وطلعيهن وغسليهن بالماي وحطيهن ف طشت الكمفورت ونشفي وخلاص
وشوفي النظافه واللمعه والريحه الحلوه
لاااااا تغسلينهم لو متوصخه افركي مكان البقعه لكن ابدا لاتغسلينهم بيتغيرن اللون تماما صدقيني انا ماغسلهن مول لا بغساله ولا بايد
اصلا الطرابيش تخترب بالغساله
حرم الظاهري رمستج 100% شرات غسيلنا بالضبط