هلا خواتي شخباركن بغيت الخلطه مالت صالونه الكاري اللي في مطعم الهند شو يحطون فيها بغيت اتخبركن ريحتها حلوه اخاف اسويها وتطلع ريحتها مب حلوه احس الروب يسوي ريحه
مشورتكم خواتي
ان شاء الله البنات يفيدونج
بالعكس الروب ماله شغل
بحط لج كم طريقه
المشاركة الأصلية كتبت بواسطة bnfsj 
اليوم بقولكم طريقة دياي بالكاري سهل وترومين تسوين بكذا شي في نفس الوقت
المقادير هي:
2 ديايتين مقطعات ومبهرتنهم بالبهارات اللي تبينها بس لاتكثرين
بصل – ثوم – زنجبيل – فلفل اخصر حار وبارد -مشروم ( وممكن تحطين جزر وبطاط مكعبات)
البقدونس
وخلطة الكاري الجاهزة..شريتها من شويترام ..
تندوري ماسلا.. ملح..
المشاركة الأصلية كتبت بواسطة bnfsj ::الطريـقـــة::
اتحطين في اليدر البصل والفلفل وتحركيه انه ياخذ لون ( مع شويييييية زيت لاتكثرين يعني قطرتين)ولو ماتحطين احسن وعقب اتحطين الثوم والزنجبيل ( نسيت اصور هالخطوة)
وعقب اتحطين عليه الدياي وتحركينهم ويا بعض
اتغطين اليدر .. وتخلينه خمس دقايق تقريبا
وبتشوفين انه الدياي بدا يتغير لونه ويبيض وينضى
.. وبيظهر ماي الدياي
واتمين اتحركين.. واتردين اتغطينه.. لين ماتحسين الدياي نضي عدل .. ويكون
أبيض .. يعني يكون مستوي عدل عدل عدل
المشاركة الأصلية كتبت بواسطة bnfsj وعقب اتضينفين عليه الكاري الجاهز.. وترشين عليه شوية ملح والتندوري ماسلا..
واول ماتحطين بتشوفين اللون مايشهي (لول)
ولكن انتي غطي اليدر وخليه .. يعني كل خمس دقايق او كل ربع ساعه حركيه
وبيبدا يتغير لونه .. اخليكم مع كم صورة ماعرف اذا تغير اللون يبين ولا لا
يوم الصالونه او المرق يتغير لونه ويصير برتقالي مثل لون ( الشكن باتر)
ضيفي عليه البقدونس( نص الكمية)
وعلى فكرة ترا خذ معاي تقريبا ساعه القص بالطبخ ويا العيش
والعيش في نفس الوقت انطبخ
يممممممممم