خواتي دخيلكم فيدوني….. تعبت ويا بنتي وما خليت عياده ما وديتها ومحد قادر يوقف اسهالها…. والمشكله انه مكان الحفاظ ياها تهيج ومتقطع من كثر ما اييها اسهال…. ووااااااااايد تصيح بسبة هالشي…. واستعملت واايد كريمات بس ما فاد ……..
اسهالها تقريبا من 3 اسابيع…. وهي عمرها 8 شهور ولين احينه ما طلعلها اسنان
ما خليت شي ما عطيتها وما فاد وياها
بليييييييز ساعدوني… والله قلبي يعورني عليها…
اتريا ردكم
حبيبتي بالنسبه للتهيج
استخدمي لها زيت لقمان وووايد يفيد .. ينباع عند الايرنيين
عن تجربه … والله يعافيها
اختي هذاا شي طبيعي الاسهال لانها بفترة تسنين و بتحسين بعد بحرارة
عليج بالصبر البنت جي بتسنن؟؟؟ الله يكوون بعووونج
شربيها شااااي احمرررر …. ماي العيش … فوري عيش فالماي وشربيها الماي ماله يكون لونه ابيض ..
وبعد في بعضهم يعطون الياهل نشا ووايد اشياء .. بس انا اللي مجربتنه ويا عيالي الشاي وماي العيش يفيدهم
ولازم تبتعدين عن الاكلات اللي تسبب الاسهال …
والاسهال شو سببه فايروس والا بسبة الحليب متغير عليها …؟؟
اذا كان فايروس ترا ما بيوقف الا عقب ما يطلع من بطنها …
وبالنسبه للحفاظ كثر ما تقدرين غيري لها .. وخليها تتهوى ولبسيها الحفاظ اللي ينباع فمحلات الاطفال الي ينغسل ..
اكليها كستر من دون حليب او نشا مع عيش مصري او عصير الرمان وسوي لها مراميه بس حطي فيه سكر نبات
مكان الحفاض ادهنيه بزيت الزيتون
الله يشفي بنتج
عصير الرمان وسوي لها مراميه بس حطي فيه سكر نبات
مكان الحفاض ادهنيه بزيت الزيتون
اتي اذا ترضعينها طبيعي شوفي انتي شو تاكلين لانه ياثر
اذا صناعي يمكن الحليب مب مناسبنها
يعني تقولين من 3 اسابيع حرام بسبب الها جفاف
لازم تشوفين السبب اولا
وعقب تعالجين الاسهال
واهم شي كثري من السوائل
وعطيها موز وماي العيش ( المصري مب العادي اللي نحن ناكله )
والنشا بعد زين
وعن البامبز لا تتريين على الاقل كل نص ساعة غيريه
وحطيلها الكريم الي تستخدمينه
عني انا استخدم سيبا ميد وايد زين وربي يشفيها